મેયર હિતેશભાઇ મકવાણા દ્વારા ઢોરડબ્બાની મુલાકાત લઈ જરૂરી સુચનાઓ અપાઇ
આજ રોજ સેકટર-30 ખાતે આવેલ ગાંધીનગર મહાનગરપાલિકા દ્વારા સંચાલીત ઢોર-ડબ્બા ખાતે વરસાદની સીઝનમાં કોઈ તકલીફ ના પડે તે માટે મેયરશ્રી હિતેશભાઈ મકવાણા દ્વારા મુલાકાત લેવાઈ હતી. ગાંધીનગર નગરપાલિકાના કમિશનરશ્રી ધવલભાઈ પટેલ, ડેપ્યુટી કમિશનર અને અધિકારીઓને સાથે રાખી તેઓએ રૂબરૂ સ્થળ તપાસ કરી હતી. અધિકારીઓને ઢોર-ડબ્બા ખાતે પશુઓને લંમ્પી જેવી ગંભીર બીમારીથી બચાવવા સ્વચ્છતા જાળવવા તેમજ તુટી ગયેલા શેડ નવા નાખી આપવા અંગેની સુચના આપી તેમજ હાલમાં કોઇપણ પશુઓમાં લંમ્પી વાઇરસનો રોગ નથી તેની ખાતરી કરી હતી.