ગુજરાતમાં ટ્રાફિક અને વાહન અકસ્માતોની સાથે સાથે રખડતાં ઢોરની પણ ગંભીર સમસ્યા છે. એમાં પણ છેલ્લા એકાદ વર્ષથી તો રસ્તા પર રખડતાં ઢોરનો ત્રાસ ખૂબ વધી ગયો છે, જેને પગલે નાગરિકોએ જીવ પણ ગુમાવવાનો વારો આવી રહ્યો છે. ત્યારે આજે જૂનાગઢમાં પણ કંઈક આવી જ ઘટના કેમેરામાં કેદ થઈ છે. બે બાઇકસવાર પોતાની ધૂનમાં જતા હતા અને અચાનક જ દીવાલ પરથી માથે ગાય પડી હતી. જાેકે સદનસીબે બંનેના જીવ બચી ગયા છે. જૂનાગઢના ઝાંઝરડા રોડ પર બે બાઇકસવાર નીકળી રહ્યા હતા, ત્યારે દીવાલ પર ઊભેલી ગાય અચાનક નીચે પડી હતી. ગાય પડતાં બંને બાઇકચાલક નીચે પટકાયા હતા, જેમને ઇજાઓ પહોંચતાં સારવાર અર્થે ખસેડાયા છે. આ ઘટનામાં નવાઈની વાત એ છે કે જ્યારે ઘટના બની ત્યારે જ કેમેરામાં કેદ થઈ છે. મતલબ કે જૂનાગઢની જનતા પણ હવે રખડતાં ઢોરોના ત્રાસને જાણી ગઈ છે.