અમદાવાદ
ગુજરાત ચેમ્બર ઓફ કોમર્સ એન્ડ ઈન્ડસ્ટ્રી દ્વારા ભારત સરકારના MSME મંત્રાલયને અનેકવાર રજૂઆતો કરી હતી MSME મંત્રાલય દ્વારા સ્પષ્ટીકરણ આપવામાં આવ્યું છે કે વર્ક કોન્ટ્રાક્ટ MSMED એક્ટ 2006 હેઠળ આવરી લેવામાં આવ્યા છે .GCCIના સતત પ્રયાસોના પરિણામે ડેવલપમેન્ટ કમિશનર કચેરી, ભારત સરકારે એક નોટિફિકેશન બહાર પાડ્યું છે જેમાં ઉલ્લેખ કરવામાં આવ્યો છે કે જે એન્ટરપ્રાઇઝે ઉદ્યમ રજીસ્ટ્રેશન મેળવ્યું છે અને જે માત્ર ઉત્પાદન પ્રવૃત્તિ અથવા માત્ર સેવાઓ અથવા બંને કરી રહ્યું છે, તે MSMED એક્ટ 2006 હેઠળ MSME મંત્રાલયની યોજનાઓ/કાર્યક્રમોના લાભો મેળવવા પાત્ર છે.NIC કોડ 2008 માં “વર્ક કોન્ટ્રાક્ટ” નામની કોઈ પ્રવૃત્તિ ન હોવાને કારણે આ સમસ્યા ઉદભવી હતી. પોર્ટલ પરની કેટલીક પ્રવૃત્તિઓ મુખ્ય પ્રવૃત્તિ “મેન્યુફેક્ચરિંગ” હેઠળ છે જ્યારે અન્ય “સેવાઓ” હેઠળ આવે છે. એક એન્ટરપ્રાઇઝ કેવળ ઉત્પાદન પ્રવૃત્તિઓ અથવા સેવાઓ અથવા બંનેનું સંયોજન કરતું હોઈ શકે છે. સ્પષ્ટતાના અભાવના પરિણામે થયેલા ખોટા અર્થઘટનને કારણે, વર્ક્સ કોન્ટ્રાક્ટના 95% વ્યવહારો (જે ઉત્પાદન અને સેવાઓનું સંયોજન છે) અને MSME મંત્રાલય દ્વારા જારી કરાયેલ પ્રમાણપત્ર નિરર્થક બની ગયા. આ કારણે વર્ક્સ કોન્ટ્રાક્ટના વ્યવહારોમાં રોકાયેલા MSME સાહસો તેમની પાસે માન્ય ઉદ્યમ નોંધણીઓ હોવા છતાં MSMED એક્ટ હેઠળ ધિરાણ સુવિધાઓ, જાહેર પ્રાપ્તિ નીતિ, નાણાકીય પ્રોત્સાહનો અને અનુદાનનો તેમજ MSMEsને વિલંબિત ચૂકવણી સંબંધિત તેમના કેસોનું પ્રતિનિધિત્વ કરવાનો લાભ લેવાની સ્થિતિમાં ન હતા. MSME મંત્રાલય, ભારત સરકારના નીતિ વિભાગે સ્પષ્ટતા કરી છે કે જે MSME ‘વર્ક કોન્ટ્રાક્ટ’ હેઠળ પ્રવૃત્તિઓ કરી રહ્યા છે તેઓ પ્રવર્તમાન માર્ગદર્શિકા/ પરિપત્રને આધીન MSME મંત્રાલયના સંબંધિત વિભાગ દ્વારા જારી કરાયેલ તે ચોક્કસ યોજના / પ્રોગ્રામની સૂચના. યોજનાઓ/કાર્યક્રમોનો લાભ મેળવી શકે છે.આ સૂચના દ્વારા, MSME મંત્રાલય દ્વારા આ બાબતે સ્પષ્ટતા કરવામાંઆવી છે અને વર્ક્સ કોન્ટ્રાક્ટમાં સંલગ્ન સાહસો પણ હવે અન્ય MSME ની જેમ જ MSME ને ઉપલબ્ધ લાભો મેળવી શકશે.