હવે હોસ્ટેલ અને પીજીમાં રહેવાનું મોંઘુ થઈ ગયું, ભાડા પર 12 ટકા જીએસટી લાગશે

મોંઘવારીનો પ્રભાવ માત્ર ખાદ્ય ચીજવસ્તુઓ પર જ નહીં પરંતુ રહેવાની સ્થિતિ પર પણ વધ્યો છે. જો તમે હોસ્ટેલ કે પીજીમાં રહો છો તો તમારા માટે ચોંકાવનારા સમાચાર છે. હવે હોસ્ટેલ, પીજીના ભાડા માટે વધુ જીએસટી ચૂકવવો પડશે. ઓથોરિટી ફોર એડવાન્સ રુલીંગ્સ એ કેસની સુનાવણી કર્યા પછી, હોસ્ટેલ અને પીજીના ભાડા પર 12 ટકા GST  લાદવાનો આદેશ આપ્યો છે. એટલે કે વિદ્યાર્થીઓ અને હોસ્ટેલ અને પીજીમાં રહેતા લોકો પર ખર્ચનું ભારણ વધવાનું છે.
હોસ્ટેલના ભાડા પર હવે 12 ટકા જીએસટી લાગશે, જેના કારણે વિદ્યાર્થીઓએ હવે વધુ ચૂકવણી કરવી પડશે. ઓથોરિટી ફોર એડવાન્સ રૂલિંગ્સ એ બે અલગ-અલગ કેસમાં આ નિર્ણય આપ્યો હતો. AARની બેંગલુરુ બેન્ચે જણાવ્યું હતું કે હોસ્ટેલ રહેણાંક એકમોની સમકક્ષ નથી અને તેથી તેને ગુડ્સ એન્ડ સર્વિસ ટેક્સ માંથી મુક્તિ આપવામાં આવતી નથી. શ્રીસાઈ લક્ઝરી સ્ટે એલએલપીની અરજી પર ચુકાદો આપતા, એએઆરએ જણાવ્યું હતું કે 17 જુલાઈ, 2022 સુધી, હોટલ, ક્લબ, કેમ્પસાઈટની આવાસ સેવાઓ પર GST મુક્તિ લાગુ હતી, જેમાં દરરોજ 1,000 રૂપિયા સુધીનો ચાર્જ હતો.
બેંગલુરુ બેન્ચે જણાવ્યું હતું કે પીજી/હોસ્ટેલનું ભાડું GST મુક્તિ માટે પાત્ર નથી… કારણ કે અરજદારની સેવાઓ રહેણાંક મકાન ભાડે આપવા સમાન નથી. “રહેણાંક જગ્યા કાયમી રહેઠાણ માટે હોય છે અને તેમાં ગેસ્ટ હાઉસ, લોજ અથવા તેના જેવી જગ્યાઓનો સમાવેશ થતો નથી.