પોલીસથી બચવા દારૂની ખેપિયા અવનવા કિમીયા અજમાવતા હોય છે, પરંતુ તેમ છતાં ઘણી વખત સફળ નથી થતા હોતા. ગાંધીનગરની ચિલોડા પોલીસે એમ્યુલન્સ વાનમાંથી દારૂ ઝડપ્યો હતો. ચિલોડા હિંમતનગર હાઇવે પર છાલા ગામ નજીક આવેલી હોટેલ પરથી દારૂનો જથ્થો મળ્યો હતો. રાજસ્થાન પાસિંગની બંધ એમ્યુલન્સ વાનના ચેકિંગમાં ચિલોડા પોલીસને દારૂનો જથ્થો મળી આવ્યો હતો.
છાલા ગામ નજીક આવેલી કનના માતાજી હોટેલ ઉદયપુર ઢાબા પાસે બંધ એમ્યુલન્સમાંથી 68,640ની કિંમતનો દારૂ ઝડપાયો હતો. સ્વતંત્રતા દિવસને લઈ હોટેલ અને ઢાબા ચેકીંગ દરમિયાન પોલીસે દારૂનો જથ્થો ઝડપ્યો હતો.
વડોદરાની એમ.એસ.યુનિવર્સિટીમાં દારૂની મહેફિલ ઝડપાઈ છે. એમ.એમ. હોસ્ટેલમાં યુનિ. વિજિલન્સે દરોડા પાડ્યા હતા. ત્રણ વિદ્યાર્થીઓ દારૂની મહેફિલ માણતા હોવાનો મેસેજ મળતાં ટીમ એમ.એસ.હોલ દોડી આવી હતી. જોકે વિદ્યાર્થીઓને ગંધ આવતા ભાગી છૂટ્યા હતા. બે દિવસ પેહલા જ બે વિદ્યાર્થીઓ હોસ્ટેલમાં રહેવા આવ્યા હતા. વિજિલન્સ દ્વારા કાયદેસરની કાર્યવાહી કરવાની બાંહેધરી આપવામાં આવી છે. 34 નંબરની રૂમમાંથી દારૂ ભરેલા ગ્લાસ મળી આવ્યા હતા. ઉપરાંત દારૂ ની ખાલી બોટલ અને સિગરેટના બોક્સ પણ મળી આવ્યા હતા.
વડોદરા જિલ્લાના કરજણ હાઇવે પર એક હોટલના પાર્કિગમાં ઊભી રહેલી ટ્રકમાંથી દારૂ અને બીયરનો જથ્થો પોલીસે ઝડપી પાડી બે શખ્સોની ધરપકડ કરી વધુ તપાસ હાથ ધરી હતી. આ અંગેની વિગત એવી છે કે સીઆઇડી ક્રાઇમના સીઆઇ સેલનો સ્ટાફ કરજણ હાઇવે પર પેટ્રોલિંગમાં હતો ત્યારે મળેલી બાતમીના આધારે કરજણ તાલુકાના નેશનલ હાઇવે પર માંગલેજ ગામ પાસે મહાદેવ આઇમાતા હોટલના પાર્કિગમાં મહારાષ્ટ્ર પાસિંગની ટ્રકમાં તપાસ કરતાં તેમાં બે શખ્સો મળ્યા હતાં. પોલીસે બંનેના નામ પૂછતાં ડ્રાઇવર ઇરફાન ભાભાસાહેબ મુલ્લા (રહે.રેટ્ટી, તા.કરાડ, કોલ્હાપુર રોડ, મહારાષ્ટ્ર) અને બાગબાન તોસીફ રસીદ (રહે.સૈયદનગર, હડપસર, પુણે) જણાવ્યું હતું.
પોલીસે ટ્રકમાં તપાસ કરતાં દારૂ અને બીયરની 11820 બોટલ અને ટીન મળ્યા હતાં. પોલીસે દારૂ અને બીયરનો જથ્થો, ટ્રક, રોકડ અને મોબાઇલ મળી કુલ રૂ. 32.01 લાખનો મુદ્દામાલ કબજે કરી બંનેની પૂછપરછ કરતાં જાણવા મળ્યું હતું કે ઝડપાયેલા શખ્સ બાગબાનના જીજાજી મીરગુલાબે બંનેને એમઆઇડીસીરોડ, નવી મુંબઇ ખાતેની એક હોટલ પર બોલાવીને દારૂ ભરેલી ટ્રક આપી હતી તેમજ એક્સેસ ટુ વ્હીલર લઇને આવેલો એક શખ્સ બિલ્ટી આપી ગયો હતો. આ અંગે કરજણ પોલીસ સ્ટેશનમાં ગુનો દાખલ થતા તેની તપાસ શિનોર પોલીસને સોંપવામાં આવી છે.