ગુજરાત કોંગ્રેસ પ્રભારી મુકુલ વાસનીક
અમદાવાદ
ગુજરાત પ્રદેશ કોંગ્રેસના મુખ્ય કન્વીનર અને પ્રવક્તા ડોક્ટર મનીષ દોશીએ જણાવ્યું હતું કે ગુજરાત કોંગ્રેસ પ્રભારી મુકુલ વાસનીકનું આગામી રવિવારે સવારે ૧૧.૩૦ કલાકે અરપોર્ટ પર આગમન થશે ગુજરાત પ્રદેશ કોંગ્રેસ નેતાઓ-આગેવાનશ્રીઓ દ્વારા ભવ્ય સ્વાગત કરાશે.અમદાવાદ અરપોર્ટથી રાજીવ ગાંધી ભવન સુધી ગુજરાત કોંગ્રેસ પક્ષની વિદ્યાર્થી પાંખ એનએસયુઆઇ અને યુથ કોંગ્રેસનાં યુવાનો મોટી સંખ્યામાં બાઇક રેલીમાં જોડાશે .અમદાવાદત એરપોર્ટથી રેલી સ્વરૂપે સાબરમતી આશ્રમ ખાતે પહોંચી પૂજ્ય મહાત્મા ગાંધીજી પ્રતિમાને પુષ્પાંજલિ કરશે. ગુજરાત પ્રદેશ કોંગ્રેસ સમિતિના પ્રભારીશ્રી મુકુલ વાસનીક રેલી સ્વરૂપે સાબરમતી આશ્રમથી રાજીવ ગાંધી ભવન પહોંચશે .બપોરે ૨.૩૦ કલાકે કોંગ્રેસની વિસ્તૃત કારોબારીમાં હાજરી આપશે .વિસ્તૃત કારોબારીમાં ગુજરાત કોંગ્રેસના હોદ્દેદારશ્રીઓ, એઆઈસીસી અને પીસીસી ડેલીગેટ જિલ્લા અને શહેર પ્રમુખશ્રીઓ ઉપસ્થિત રહેશે.સાંજે ૪.૩૦ કલાક થી સિનિયર નેતાઓ સાથે વન ટુ વન બેઠક કરશે.સાંજે સાત કલાકે મુકુલ વાસનીક દિલ્લી પરત જશે.