અમદાવાદ
તા. ૨૭ અને ૨૮ જાન્યુઆરી-૨૦૨૪ના રોજ હીરામણિ સ્કૂલ કેમ્પસમાં રોટરી ક્લબ ઓફ અમદાવાદ સાઉથ દ્વારા મહીલા સશક્તિકરણના ભાગરૂપે મહિલા ટેનિસ ક્રિકેટ રોટરી લીગનું આયોજન કરવામાં આવેલ હતું. આ મહિલા ટેનિસ ક્રિકેટ ટુર્નામેન્ટમાં અમદાવાદ શહેરની મહિલા સભ્યો, ગૃહિણીઓ, માતાઓ, વ્યવસાયિક મહિલાઓ (ડૉક્ટર, એન્જિનિયર, સરકારી- કોર્પોરેટ કચેરીમાં ફરજ બજાવતી), વકીલ, પોલિસ, સી.એ. એમ કુલ ૮ ટીમોએ ભાગ લીધો હતો. આ ટુર્નામેન્ટનું આયોજન ઈન્ડિયન ક્રિકેટ એસોસિએશનના સભ્ય શ્રીમતી ક્રીનાબેન શાહ અને નેશનલ લેવલની ક્રિકેટ ટીમના પ્લેયર શ્રીમતિ સોનલબેન પટેલ દ્વારા કરવામાં આવ્યું હતું.આ ટુર્નામેન્ટમાં રોટરી ક્લબ ઓફ પ્રહલાદનગરની ટીમ નો વિજય થયો હતો અને હીરામણિ સંસ્થાના પ્રમુખ, સાંસદ-રાજ્યસભા (ગુજરાત) નરહરિ અમીન દ્વારા વિજેતા ટીમને ટ્રોફી એનાયત કરવામાં આવી હતી.