ગાંધીનગર મહાનગર ભાજપા મીડિયા વિભાગની અખબારી યાદી જણાવે છે કે, શહેર ભાજપ અનુસૂચિત જાતિ મોરચા અને મેડિકલ સેલના સંયુક્ત ઉપક્રમે ભારત રત્ન ડો.બાબાસાહેબ આંબેડકરના ધર્મ પત્ની ત્યાગ મૂર્તિ મા રમાબાઈ આંબેડકર જન્મજયંતિ નિમિત્તે ૭ ફેબ્રુઆરી, બુધવારે નેહા નર્સિંગ હોમ, સે.૨૨ ખાતે નિશુલ્ક મહિલા મેડિકલ કેમ્પ યોજાઇ ગયો હતો જેનો ૧૦૦ થી વધુ મહિલાઓએ લાભ લીધો હતો. સગર્ભા મહિલાઓને સૂપોષણ કીટ અને અન્ય મહિલાઓને સેનેટરી પેડનું વિતરણ કરવામાં આવ્યું હતું. આ તકે શહેર ભાજપ પ્રમુખ ઋચિર ભટ્ટ, મેયર હિતેશ મકવાણાની પ્રોત્સાહક ઉપસ્થિતિ રહી હતી તેમજ શહેર ભાજપ અનુસૂચિત જાતિ મોરચાના પ્રમુખ વીરેન્દ્ર જાદવ અને મેડિકલ સેલના સંયોજક ડો. હસમુખભાઈ પટેલે કાર્યક્રમના આયોજનની જહેમત ઉઠાવી હતી.