ગુજરાતના ભાજપ પ્રદેશ સંગઠનમાં ફેરફાર કરવામાં આવ્યો છે. પરેશ પટેલની ભાજપ પ્રદેશ મંત્રી તરીકે નિયુક્તિ કરવામાં આવી છે. તેઓ સી.આર.પાટીલના PA તરીકે છેલ્લા 4 વર્ષથી કાર્યરત હતા.
પરેશ પટેલે છેલ્લા 20 વર્ષથી કાર્યાલય મંત્રી તરીકે સેવા આપી છે અને હવે એમને કાર્યાલય મંત્રીમાંથી ભાજપ પ્રદેશ મંત્રી તરીકે પ્રમોટ કરાયા છે. કમલમની વ્યવસ્થામાં આ નવા ફેરફારો કરાતા ગુજરાત ભાજપના કાર્યકરોમાં ભારે ચર્ચા જોવા મળી રહી છે.
પરેશ પટેલ સી.આર.પાટીલના PA તરીકે છેલ્લા 4 વર્ષથી કાર્યરત હતા અને હવે એમની જગ્યા પર શ્રીનાથ શાહની કાર્યાલય મંત્રી તરીકે નિમણુંક કરવામાં આવી છે
શ્રીનાથ શાહ છેલ્લા 25 વર્ષથી એલ.કે.અડવાણી સાથે કાર્યરત હતા. હાલ શ્રીનાથ શાહ પ્રદેશ અધ્યક્ષના કમલમ કાર્યાલય ખાતે PA તરીકે ફરજ નિભાવે છે.