દેશમાં ફરી એકવખત સાયબર એટેક થયો છે. જી હાં આ વખતે મળતી માહિતી મુજબ બેંકોને નિશાન બનાવવામાં આવી છે. ટેક્નોલોજી સર્વિસ પ્રોવાઈડર C-Edge Technologies પર સાયબર એટેક થયો છે. જેના કારણે દેશભરની લગભગ 300 નાની બેંકો અને નાણાકીય સંસ્થાઓનું બેંકિંગ સંબંધિત કામ ઠપ થઈ ગયું છે. ગ્રાહકો પણ એટીએમમાંથી પૈસા ઉપાડી શકતા નથી. UPI દ્વારા રકમ ટ્રાન્સફર કરવામાં સમસ્યાઓનો સામનો કરવો પડી રહ્યો છે.અધિકારીઓએ આ મામલે માહિતી આપી છે.
મીડિયા અહેવાલો અનુસાર આ તકનીકી સમસ્યાઓ સહકારી બેંકો અને ગ્રામીણ પ્રાદેશિક બેંકોના ગ્રાહકોને અસર કરી નથી, જેઓ SBI અને TCSના સંયુક્ત સાહસ C-Edge ટેક્નોલોજી પર નિર્ભર છે. જો કે, અન્ય બેંકિંગ સેવાઓ સામાન્ય રીતે ચાલી રહી છે. C-Edge Technologies તેની સિસ્ટમમાં ભંગની જાણ થયા બાદ છેલ્લા બે દિવસથી આ સમસ્યાનો સામનો કરી રહી છે. અધિકારીઓના જણાવ્યા અનુસાર મોટી પેમેન્ટ સિસ્ટમની સુરક્ષા માટે સી-એજ સિસ્ટમને અલગ કરવી પડી હતી. આ સાથે જરૂરી સાવચેતી પણ રાખવામાં આવી છે.
રેન્સમવેર એ એક પ્રકારનો માલવેર છે, જે તમારા કમ્પ્યુટરમાં પ્રવેશ કરે છે અને ઍક્સેસ મેળવે છે. તે તમારી બધી ફાઇલોને એન્ક્રિપ્ટ કરે છે. ડેટા અને એક્સેસ પાછા આપવાના બદલામાં ખંડણીની પણ માંગણી કરે છે.
મે 2017 માં WannaCry ransomware એ વિશ્વના ડઝનબંધ દેશો પર હુમલો કર્યો. આમાં 2 લાખથી વધુ સિસ્ટમ પ્રભાવિત થઈ હતી. આમાં ભારત પણ સામેલ હતું. હેકર્સે કોમ્પ્યુટર સિસ્ટમ લોક કરી 300 થી 600 ડોલર વસુલવાનું કહ્યું હતું. આ હુમલામાં અમેરિકન હેલ્થકેર સિસ્ટમ સૌથી વધુ પ્રભાવિત થઈ હતી.આ પછી 22 માર્ચ, 2018 ના રોજ પંચકુલામાં સ્થિત ઉત્તર હરિયાણા વિદ્યુત વિતરણ નિગમના મુખ્ય કાર્યાલયના કમ્પ્યુટરમાં એક સંદેશ આવ્યો. મેસેજમાં લખ્યું હતું કે તમારું કોમ્પ્યુટર હેક થઈ ગયું છે. તેના બદલામાં 1 કરોડ રૂપિયાની માંગણી કરવામાં આવી હતી, જે બિટકોઈન દ્વારા જમા કરાવવાની હતી. જો કે, કોર્પોરેશને એક અઠવાડિયામાં સિસ્ટમ પુનઃસ્થાપિત કરી હતી. આ પછી વર્ષ 2019 માં 29 એપ્રિલે તેલંગાણા અને આંધ્રપ્રદેશ રાજ્ય પાવર યુટિલિટી પર રેન્સમવેર એટેક થયો હતો. આ પછી હેકર્સે સિસ્ટમ પર સંપૂર્ણ નિયંત્રણ મેળવી લીધું અને બિટકોઈન દ્વારા ખંડણીની માંગણી કરી. જો કે, બાદમાં સિસ્ટમ પુનઃસ્થાપિત કરવામાં આવી હતી.