ગુજરાતની શિક્ષણ વ્યવસ્થા આખરે કોના ભરોસે ચાલી રહી છે. કારણે કે, અનેક એવા દાખલાઓ છે જ્યા બાળકોનું ભવિષ્ય રામ ભરોસે જોવા મળી રહ્યું છે. આવો જ એક કિસ્સો બનાસકાંઠામાંથી પ્રકાશમાં આવ્યો છે.
વિગતે વાત કરવામાં આવે તો, બનાસકાંઠામાં એક શાળા છે અને ત્યાં એક શિક્ષક છે જે Mr. India બનીને નોકરી કરી રહ્યો છે. વાસ્તવમાં વાત એવી છે કે, બનાસકાંઠા જિલ્લાના દાંતા તાલુકામાં પાન્છા પ્રાથમિક શાળા આવેલી છે. અહીં એક ફરજ બજાવતા એક શિક્ષિકા મેડમને વર્ષો પહેલા વિદેશમાં સ્થાયી થઈ ગયા છે પરંતુ હજુ તેમની નોકરી શાળામાં કાર્યરત છે. આખરે આ કેવી સિસ્ટમ છે?
વિગતે વાત કરવામાં આવે તો, ભાવનાબેન નામના શિક્ષિકા વર્ષોથી વિદેશમાં રહે છે. મહત્વની વાત એ છે કે, આટલા વર્ષોથી આ શિક્ષિકા બેનની પાન્છા પ્રાથમિક શાળામાં નોકરી ચાલુ છે. આટલી મોટી ભૂલ હોવા છતાં આખરે કેમ શિક્ષણ વિભાગ દ્વારા કોઈ કાર્યવાહી કરવામાં આવતી નથી. છેલ્લા આઠ વર્ષથી ભાવનાબેન અમેરિકામાં રહેતા હોવાનું સામે આવ્યું છે. ચોંકાવનારી વાત એ છે કે, શિક્ષિકા વિદેશમાં છે તો બાળકોને કોણ ભણાવી રહ્યું છે? શિક્ષક હાજર નથી તો પગાર કેમ જમા થાય છે? આખરે આઠ બાદ પણ કેમ નથી કરવામાં આવી કાર્યવાહી?
આ મામલે શાળાના ઇન્ચાર્જ આચાર્ય પારૂલબેનનું કહેવું એવું છે કે, આ બાબતે અમે બનાસકાંઠા જિલ્લા શિક્ષણાધિકારીને લેખિતમાં અરજી અને રજૂઆતો કરી છે, છતાં પણ કોઈ કાર્યવાહી કરવામાં આવી નથી. અત્યારે તે એવું લાગી રહ્યું છે, શિક્ષણ વિભાગ ઘોર નિંદ્રામાં જ છે. બનાસકાંઠા જિલ્લા શિક્ષણાધિકારીએ કહ્યું કે, ‘જે બેન 8 મહિનાથી ગેરહાજર છે તેમને નોટિસ આપવામાં આવી છે અને ગેરહાજરીને પગાર ચૂકવવામાં આવ્યો નથી.’ પરંતુ હકીકત એવી છે કે બેન આઠ મહિનાથી નહીં પરંતુ આઠ વર્ષથી ગેરહાજર છે, તો માત્ર આઠ મહિના પહેલા જ નોટિસ કેમ? આગળના 7 વર્ષ અને ચાર મહિના શિક્ષણ વિભાગ શું કરતું હતું?
અત્યારે આવા અનેક સવાલો થઈ રહ્યા છે. આખરે આટલી મોટી બેદરકારી કેવી રીતે થઈ શકે? બાળકોને તેમના માતા પિતા ભણવા માટે મોકલતા હોય છે, પરંતુ શાળાના શિક્ષક તો વિદેશમાં રહેવાનો પગાર લઈ રહ્યા છે. આખરે બાળકો કોના ભરોસે ભણી રહ્યા હતા? જો અત્યારે વિગતો સામે ના આવી હોત તો હજુ પણ આ છબરડો યથાવત જ રહ્યો હોત એવા વાત પણ સાચી છે? જો હવે તો બધાને જાણ થઈ છે, જોવાનું એ છે કે, આખરે હવે શિક્ષણ વિભાગ કેવી કાર્યવાહી કરે છે?