કડવા પાટીદારના કુળદેવી શ્રી ઉમિયા માતાજી મંદિરે તા. 12થી 18 સપ્ટેમ્બર 2024 દરમિયાન મા ઉમિયા ધજા મહોત્સવનું આયોજન કરવામાં આવ્યું છે. ત્યારે આજે મુખ્યમંત્રી ભૂપેન્દ્ર પટેલના હસ્તે ધજા મહોત્સવને ખુલ્લો મૂકવામાં આવ્યો હતો. આ કાર્યક્રમમાં પૂર્વ નાયબ મુખ્યમંત્રી નીતિન પટેલ, સાંસદ હરિ પટેલ, ઊંઝાના ધારાસભ્ય કિરીટ પટેલ સહિત ઉમિયા માતાજી સંસ્થાનના પ્રમુખ બાબુ પટેલ સહિતના હોદેદારો, દાતાઓ અને મોટી સંખ્યામાં પટેલ સમાજના લોકો ઉપસ્થિત રહ્યાં હતા. તેઓએ ધજાની પુજા અર્ચના કરી કરી હતી તેમજ દાતાઓનું સન્માન કરવામાં આવ્યું હતું.
ઊંઝા ખાતે આવેલ શ્રી ઉમિયા માતાજી મંદિરે ધજા
મહોત્સવ દરમિયાન પૂર્વે નાયબ મુખ્યમંત્રી નીતિન પટેલે
મુખ્યમંત્રી ભૂપેન્દ્ર પટેલના વખાણ કર્યા હતા તેમજ નીતિન
કાકાએ ભૂપેન્દ્ર પટેલને લઈ ઇનામની જાહેરાત પણ કરી
હતી. તેઓએ જણાવ્યું હતું કે, ગુજરાતના મુખ્યમંત્રી
ભૂપેન્દ્ર પટેલ પાસે જાદુ છે. તેમને કોઈ મળે તો હસતા
મોઠે બહાર આવે છે. તેઓને કોઈ ગુસ્સો અપાવે તો તેને
હું ઈનામ આપીશ. હમણાં ડોકટરોની હડતાળ હતી તે પણ
સમેટી લીધી છે. ડોક્ટરો સ્ટાઈપેન્ડની માગને લઈને CMને
મળવા ગયા અને હસતા મોઠે બહાર આવ્યા હતા. ગમે તેવી
પરિસ્થિતિમાં ભૂપેન્દ્રભાઈ હસતા હોય છે.
ઊંઝાના નિજ મંદિરમાં જગત જનની મા ઉમિયાના પ્રાગટ્યના 1868 વર્ષની ઉજવણી નિમિતે ધજા મહોત્સવનું આગામી તા. 12થી 18 સપ્ટેમ્બર 2024ના રોજ આયોજન કરવામાં આવ્યું છે. જેમાં મુખ્યમંત્રી ભૂપેન્દ્ર પટેલ આજે સવારે ઉમિયા માતાજી મંદિરે આવી પહોંચ્યા હતા. જ્યાં ઉમિયા માતાજીની પૂજા-અર્ચના, આરતી અને દર્શન કરી ધન્યતા અનુભવી હતી. શ્રી ઉમિયા માતાજી સંસ્થાન દ્વારા CM ભૂપેન્દ્ર પટેલનું સ્વાગત કરવામાં આવ્યું હતું.
આ ઉપરાંત મુખ્યમંત્રી ભૂપેન્દ્ર પટેલના હસ્તે પ્લાસ્ટિક મુક્ત ઉમિયા માતાજી મંદિર અંતર્ગત કાપડની થેલીના વેન્ડિંગ મશીનનું ઉદ્ધાટન કરવામાં આવ્યું હતું. બાદમાં ઉમિયા બાગ ખાતે પહોંચ્યા હતા. જ્યાં ધજા મહોત્સવ શુભારંભ અને ઉછામણી યજમાન સન્માન સમારોહ ખાતેના કાર્યકમમાં ભાગ લીધો હતો. તેમજ ઉમિયા માતાજી સંસ્થાનના હોદ્દેદારો દ્વારા CM ભૂપેન્દ્ર પટેલનું સ્વાગત કરવામાં આવ્યું હતું. તેમજ શોભાયાત્રાનું લીલીઝંડી આપી પ્રસ્થાન કરાવ્યું હતું. તેમજ શોભાયાત્રાનું લીલીઝંડી આપી પ્રસ્થાન કરાવ્યું હતું.