રાજસ્થાનના સીકરમાં ફિઝિયોથેરાપી સેન્ટરના ડૉક્ટરની કરતુત સામે આવી છે. ડૉક્ટર ટોયલેટમાં કેમેરા લગાવીને મહિલાઓનાં અશ્લીલ વીડિયોનાં રેકોર્ડ કરતો હતો. કેન્દ્રમાં કામ કરતી મહિલા સ્ટાફની શંકાને કારણે આ સમગ્ર મામલો પ્રકાશમાં આવ્યો હતો.
સીકર જિલ્લાના લક્ષ્મણગઢમાં સ્વ.નંદલાલ લખોટિયા હેલ્થ એન્ડ મેડિકલ સેન્ટર અને ફિઝિયોથેરાપી સેન્ટરમાં આ કિસ્સો પ્રકાશમાં આવ્યો છે.
અહીં ટોયલેટમાં કેમેરા લગાવીને મહિલાઓનો અશ્લીલ વીડિયો બનાવવામાં આવતો હતો. ગઈકાલ સાંજે પોલીસે કેન્દ્ર પર દરોડો પાડ્યો હતો. જેમાં શૌચાલય અને ડૉક્ટરની બેગમાંથી અશ્લીલ વીડિયોથી ભરેલ પેનડ્રાઈવ અને કેમેરા મળી આવ્યા હતા.
DSPના જણાવ્યા અનુસાર, કેન્દ્રમાં છુપાયેલા કેમેરા અંગે ફરિયાદ મળી હતી. જ્યારે પોલીસ ટીમે સેન્ટરના ટોયલેટની તપાસ કરી તો તેમને ત્યાં એક છુપાયેલ કેમેરો મળ્યો હતો. આ ઉપરાંત ડૉક્ટરની કેબિનમાં રાખવામાં આવેલી બેગમાંથી અન્ય એક કેમેરો અને ચાર પેન ડ્રાઈવ પણ મળી આવી હતી. આ પેનડ્રાઈવમાં મહિલાઓના અશ્લીલ વીડિયો રેકોર્ડ કરવામાં આવ્યો હતો.
પોલીસે ફિઝિયોથેરાપી સેન્ટરના ડાયરેક્ટર ડૉ. સુરેશ જાંગિડને કસ્ટડીમાં લીધા છે. તપાસ દરમિયાન જાણવા મળ્યું કે ડૉક્ટર દરરોજ સવારે સેન્ટર પર પહોંચીને ટોયલેટમાં કેમેરા બદલીને પહેલાના કેમેરાનો ડેટા પોતાના ઘરે લઈ જતા હતા. કેન્દ્રમાં કામ કરતી મહિલા સ્ટાફની શંકાને કારણે આ સમગ્ર મામલો પ્રકાશમાં આવ્યો હતો. તેણે પોલીસને જાણ કરી કે કેન્દ્રમાં કંઈક ખોટું છે. આ પછી કેન્દ્રની વિડીયોગ્રાફી અને તપાસ કરવામાં આવી હતી. જેનાથી મામલો સામે આવ્યો હતો. પોલીસ હવે સમગ્ર સેન્ટરની ઝીણવટભરી તપાસ કરી રહી છે અને આ ઘટનામાં સંડોવાયેલા અન્ય લોકોની પણ પૂછપરછ કરવામાં આવી રહી છે.