ભારતમાં મંદીના મારની વચ્ચે એક ગુડ ન્યૂજ પણ આવી રહી છે. જે ભારતમાં સેના અને અર્ધસૈનિક બળો માટે પર્યાપ્ત બુલેટ પ્રુફ જેકેટ્સ નથી, ત્યાં હવે આ જેકેટ્સની નિકાસ બીજા દેશોને કરવામાં આવવા લાગ્યું છે. આ જાણકારી ખુદ ઉપભોક્તા મામલાના મંત્રી રામ વિલાસ પાસવાને આપી છે. જણાવી દઈએ કે ત્રણ વર્ષ પહેલા અહેવાલ આવ્યા હતા કે દેશમાં જવાનોને સારી ક્વૉલિટીના બુલેટપ્રૂફ જેકેટ્સ નથી મળી શકતાં. એવામાં આવા અહેવાલ મળવા ખરેખર સકારાત્મક સંકેત કહી શકાય છે. ભારત એક બે નહિ બલકે 100થી વધુ દેશોને બુલેટપ્રૂફ જેકેટ્સ નિકાસ કરવા લાગે છે જેમાં કેટલાક યૂરોપિયન દેશ પણ સામેલ છે. અમેરિકા, યૂકે અને જર્મની બાદ ભારત ચોથો એવો દેશ બની ગયો છે જેની પાસે બુલેટપ્રૂફ જેકેટ્સ તૈયાર કરવા માટે હવે ખુદનું એક રાષ્ટ્રીય માનક છે. આ જેકેટ્સને હવે એવા માપદંડો પર તૈયાર કરવામાં આવ્યું રહ્યું છે જે અંતર્ગત જવાનોને 360 ડિગ્રી સુરક્ષા મળી શકે છે. રામ વિલાસ પાસવાન તરફથી કહેવામાં આવ્યું છે કે તેઓ આ વાતને જાણી બહુ ખુશ છે કે બ્યૂરો ઑફ ઈન્ડિયન સ્ટેન્ડર્સે એક એવું માપદંડ નક્કી કર્યું છે જે બુલેટપ્રૂફ જેકેટ્સના મામલે વિદેશી માપદંડથી સારું સાબિત થઈ રહ્યું છે. સાથે જ દેશ હવે આ મામલામાં નવી ઉંચાઈઓ આંબતો ચોથો દેશ બની ગયો છે. રામ વિલાસ પાસવાન તરફથી જણાવવામાં આવ્યું છે કે આ જેકેટ્સને મેક ઈન ઈન્ડિયા કેમ્પેન અંતર્ગત તૈયાર કરવામાં આવ્યું છે.
બીઆઈએસના ડેપ્યૂટી ડાયરેક્ટર રાજેશ બજાજે કહ્યું કે, મારું માનવું છે કે બુલેટપ્રૂફ જેકેટ્સ ન માત્ર બીઆઈએસના માપદંડ પર ભારતમાં તૈયાર થઈ રહી છે અને તે ખરીદવામાં આવી રહ્યાં છે બલકે હવે તેને 100થી વધુ દેશોમાં પણ વેચવામાં આવી રહ્યાં છે. ડિસેમ્બર 2018થી નેશનલ સ્ટેન્ડર્ડનું ગઠન કરવામાં આવ્યું હતું અને તેની માંગ પાછલા કેટલાય સમયથી કરવામાં આવી રહી હતી. અગાઉ ભારતીય સેના અને અર્ધસૈનિક બળોની ક્વૉલિટીની બુલેટપ્રૂફ જેકેટ્સને સારી ક્વૉલિટીની જેકેટ્સ ખરીદવામાં કેટલાય પ્રકારની બાધાઓ પાર કરવી પડી હતી કેમ કે તેના પર કેટલાય પ્રકારના માપદંડ નક્કી કરવામાં આવ્યા હતા. ભારતમાં બુલેટપ્રૂફ જેકેટ્સને તમિલનાડુ, ઉત્તર પ્રદેશ અને હરિયાણામાં તૈયાર કરવામાં આવે છે. આ જેકેટ્સને પબ્લિક અને પ્રાઈવેટ સેક્ટર બંને જ ક્ષેત્રની કંપનીઓ મળીને તૈયાર કરી રહી છે. અત્યાર સુધીમાં આ કંપનીઓ તરફથી દેશના સુરક્ષાબળોને 1.86 લાખ બુલેટપ્રૂફ જેકેટ્સ સપ્લાય કરવામાં આવી ચૂક્યા છે.