રાજકોટ-મોરબી રોડ પર રતનપર પાસે આવેલ મારવાડી યુનીવર્સીટીમાં અભ્યાસ કરતી વિદેશી વિદ્યાર્થીનિઓ દ્વારા ગેરકાયદેસર ધંધાનો ખેલ ચાલી રહ્યાનો ખુલાસો ગ્રામજનોએ પોલીસ કમિશ્નર સમક્ષ કર્યો હતો. દેહવ્યાપાર, નશાખોરી અને સામાજિક દૂષણ સામે ગ્રામજનો મેદાને આવ્યાં છે અને સ્થાનિક દિકરીઓ ભોગ બને તે પહેલાં કાર્યવાહી કરવાની ઉગ્ર માંગ કરી છે. રતનપરના ગ્રામજનો દ્વારા પોલીસ કમિશ્નરને કરેલ રજુઆતમાં જણાવ્યું હતું કે, શહેરની જાણીતી ખાનગી યુનિવર્સિટીઓમાં ખાસ મારવાડી યુનિવર્સિટીમાં મોટી સંખ્યામાં વિદેશી ખાસ કરીને આફ્રિકન મૂળના વિદ્યાર્થીઓ અભ્યાસ માટે આવે છે. હાલના સમયમાં સ્થાનિક રહીશોમાંથી મળતી ચોક્કસ ફરિયાદો અનુસાર આવા કેટલાક વિદેશી વિદ્યાર્થીઓ અને તેમાં ખાસ વિદ્યાર્થિનીઓ અભ્યાસ કરતાં કરતાં સામાજિક રીતે અસ્વીકાર્ય, અનૈતિક અને ગેરપ્રવૃત્તિઓમાં સંડોવાયેલી હોવાનું સામે આવ્યુ છે. આ પ્રવૃત્તિઓને કારણે શૈક્ષિણિક સંસ્થાઓના કેમ્પસમા,શહેર તથા આસપાસના ગામડાઓમાં ગંભીર દૂષણ ફેલાઈ રહ્યું છે અને સ્થાનિક રહેવાશીઓને સાથે અનેકવાર ઘર્ષણો થવાના કિસ્સાઓ સામે આવે છે. જે બાબતે ગ્રામજનોએ જણાવેલ કે, આ આફ્રિકન વિદ્યાર્થિનીઓ કોલેજમાં અભ્યાસ કરતાં હોવા છતાં, ખાનગી ફ્લેટો, હોટલો અને રેન્ટના મકાનોમાં દેહવ્યાપાર કરતા હોવાનું સ્પષ્ટ જાણવા મળેલ છે. જે પ્રવૃત્તિઓ મુખ્યત્વે વ્હોટ્સએપ ગ્રુપ, પ્રોસ્ટિટ્યુશન વેબસાઇટ અને મોબાઇલ એપ્લિકેશનો મારફતે જાહેર રીતે ચલાવવામાં આવે છે. હે એપમાં કોલગર્લ તરીકે ફોટા મુકવામાં આવે છે, ભાવતાલ થાય છે અને ગ્રાહકોને પિકઅપ અને ડ્રોપ અંગે ખુલ્લા મેસેજ મોકલવામાં આવે છે. આવ અનૈતિક વ્યવહારથી કોલેજમાં સાથે અભ્યાસ કરતા આપણા દેશની દીકરીઓના માનસિક વિકાસ, શિક્ષણ મોલ અને નૈતિક સંસ્કાર પર ગંભીર અને ખોટી અસર થતી હોય તે ખૂબ ગંભીર બાબત અને ચિંતાનો વિષય છે. વિદેશી વિદ્યાર્થીનીઓને દેખીને આપણા દેશની યુવતીઓ મોજશોખ, દ્રવ્યલોભ અને દેખાવાદી જીવનશૈલી તરફ આકર્ષાય એ ચિંતાજનક છે. અનૈતિક પ્રવૃત્તિઓથી ગંભીર આરોગ્ય સંકટનો ભય પણ જોવા મળી રહ્યો છે. વિદેશી વિદ્યાર્થીઓમાંથી કેટલાક દ્વારા દેહવ્યાપાર જેવી અનૈતિક પ્રવૃત્તિઓ થતી હોવાની માહિતી મળી રહી છે. આવા કેસોમાં એઇડ્સ (HIV) સહિતના લૈંગિક સંબંધિત ગંભીર રોગો ફેલાવાનો ગંભીર ભય છે. આવા રોકટોક વિના ચાલી રહેલા પ્રવાહથી સ્થાનિક યુવાઓમાં આરોગ્ય અને નૈતિક ઘસારો ઊભો થઈ શકે છે.આ કારણે પોલીસ અને આરોગ્ય વિભાગે સંયુક્ત તપાસ શરૂ કરવી જરૂરી છે, તેમજ સ્થાનિક સમાજને પણ એલર્ટ રાખવો જરૂરી છે.
ગ્રામ પંચાયતો દ્વારા ઠરાવ કરાયાં હોવા છતાં, નફાની લાલચે વિદ્યાર્થીઓને ભાડે મકાન અપાય છે: રાજકોટ શહેરમાં વિદેશી વિદ્યાર્થીનીઓ મોટા ભાગે ગૌરીદળ, રતનપર, બેડી, માધાપર ચોકડી, અટલ સરોવર વિસ્તારમાં ભાડે રહે છે. તેઓના રહેઠાણ પર વારંવાર અજાણ્યા, શંકાસ્પદ દારૂડિયા પ્રકારના લોકોના આગમનના કારણે પડોશી મહિલા અને પરિવારજનો માટે અસ્વસ્થતા ઉભી થાય છે. પડોશીઓએ તેમના દ્વારા ઊંચા અવાજમાં પાર્ટીઓ, મદિરાપાન અને ગંદા વર્તન અંગે અનેકવાર ફરિયાદો પણ કરી છે. જ્યારે પણ વિદેશી વિદ્યાર્થીઓ વિરુદ્ધ કોઈ નાગરિકો ફરિયાદ કે ઠપકો આપે છે ત્યારે તેઓ તાત્કાલિક વ્હોટ્સએપ/ટેલિગ્રામ ગ્રુપમાં સંદેશો મોકલીને ટોળાંમાં એકઠાં થાય છે અને સ્થાનિકોને ડરાવવા અથવા દાદાગીરીથી મારકૂટ ઉપર ઉતારી આવે છે.
વિદેશી વિદ્યાર્થીઓની લુખ્ખી દાદાગીરી બાદ પોલીસ ફરિયાદ કરવા સ્થાનિકો જાય તો આ યુવતીઓ ખોટી ફરિયાદો ઊભી કરીને સામે વળતી ફરિયાદો કરવા ધમકાવે છે. સ્થાનિક ગ્રામ પંચાયતો દ્વારા ઠરાવ કરાયાં હોવા છતાં, નફાની લાલચે કેટલીક મકાનમાલિકો વિદેશી વિદ્યાર્થીઓને ભાડે મકાન આપે છે. એ પ્રકારના ભાડાં દૈનિક કે માસિક આધારે હોય છે પરંતુ રજિસ્ટર્ડ ભાડાકરાર કરવામાં આવતો નથી, ન તો સ્થાનિક પોલીસ સ્ટેશનમાં નોંધ કરાવવામાં આવે છે. આવા ભાડુતોની તપાસ તથા રજિસ્ટ્રેશન વગરના રહેવા માટેનું ભાડે આપનાર મકાનમાલિકો સામે ઇગજ તથા ફોરેનર્સ એક્ટ અંતર્ગત કાર્યવાહી થવી જોઈએ.
શંકાસ્પદ ફ્લેટ, હોટલ અને મકાનો પર તાત્કાલિક તપાસ કરી ગુનો દાખલ કરવામાં આવે: ગ્રામજનોની ઉગ્ર માંગ: સાયબર ક્રાઈમ પોલીસ દ્વારા તપાસ થાય, પોલીસ નોંધણી, ભાડાકરાર ખરાઈ કરવામાં આવે: ગ્રામજનોએ અમારી સ્પષ્ટ માંગ કરી છે કે, તમામ શંકાસ્પદ ફ્લેટ, હોટલ અને મકાનો પર તાત્કાલિક તપાસ થાય. વિદેશી વિદ્યાર્થીઓના રહીસના સ્થળોની પોલીસ નોંધણી, ભાડાકરાર તેમજ પત્રો ચકાસી જરૂરી કાનૂની કાર્યવાહી થાય. સોશિયલ મીડિયા અને એપ્લિકેશન માધ્યમથી થતી ગેરકાયદેસર પ્રવૃત્તિઓ સામે સાયબર ક્રાઈમ શાખા કાર્યવાહી કરે. ઘર ભાડે આપનાર મકાનમાલિકો વિરૂદ્ધ ગ્રામ પંચાયતના ઠરાવના ઉલ્લંઘન માટે પગલાં લેવાય. શહેરની હોટલો અને વાહનચાલકો સામે કાર્યવાહીને વધુ અસરકારક બનાવવા સંબંધિત અધિકારીઓ સાથે નિયમિત મિટિંગો યોજી વ્યાપક કાર્યવાહીની યોજના અમલમાં મૂકવામાં આવે. સોશિયલ મીડિયા ગ્રુપ અને મોબાઇલ એપ્લિકેશનો પરથી મળતી માહિતીના આધારે એફઆઈઆર દાખલ કરવામાં આવે. જે રહેઠાણોમાં શંકાસ્પદ પ્રવૃત્તિઓ ચાલી રહી છે ત્યાં રેડ કરીને પોલીસ વિભાગ દ્વારા સાયબર ક્રાઇમ તપાસ થાય. કોલેજ અને યુનિવર્સિટીઓને સૂચના આપવામાં આવે કે વિદેશી વિદ્યાર્થીઓને વિદ્યાર્થીઓ માટે રેહવાની સીમાઓ નક્કી કરે.
નેક ગ્રેડ વધારવા ખાનગી યુનિવર્સિટીઓ વિદ્યાર્થીઓને છૂટ આપે છે, હોસ્ટેલમાં જ છાત્ર રહેવાં જોઈએ: રાજકોટ શહેરની કેટલીક ખાનગી યુનિવર્સિટીઓ માત્ર પોતાનો નેક ગ્રેડ, ગઈંછઋ રેન્ક અને આંતરરાષ્ટ્રીય ઇમેજ માટે વિદેશી વિદ્યાર્થીઓને લાવે છે પણ તેમના કૌભાંડમાંથી ઉત્તરદાયિત્વથી દૂર રહે છે. આવાં વિદ્યાર્થીઓ માટે યુનિવર્સિટીઓએ ફરજિયાત કેમ્પસ હોસ્ટેલમાં રહેવાની વ્યવસ્થા કરવી જોઈએ અને બહાર રહેવા પર નિયંત્રણ મૂકવા જોઈએ. યુનિવર્સિટીઓને ફરજ પાડવી જોઈએ કે તેઓ આવા વિદ્યાર્થીઓને હોસ્ટેલમાં રાખે, તેમની ક્રિયાઓની દેખરેખ રાખે અને તેમને કોઈ અનૈતિક પ્રવૃત્તિમાં જોડાતા અટકાવે.
હોટલ -ટેક્સી-એજન્ટ નેટવર્ક: ગ્રાહકોની સુવિધા પૂરી પાડવા મદદરૂપ બને છે: રાજકોટ. કેટલાક હોટલ સંચાલકો, ઓટો અને ટેક્સી ચાલકો તથા એજન્ટો સાથે મળીને આ ગોરખધંધાને લંબાવી રહ્યા છે. શહેરના બસ સ્ટેશન વિસ્તારની અને હાઈવે પરની ચોક્કસ હોટેલો અને ગેસ્ટહાઉસમાં આવા વિદેશી વિદ્યાર્થીઓને કાયમી સાચવવામા આવે છે અને ગ્રાહકોને ત્યાં લઈ બોલવામા આવે છે. પોલીસ દ્વારા આ હોટલ માલિકો અને સંકળાયેલા તત્વોની છણાવટ કરીને કડક કાર્યવાહી થવી જોઈએ.
હોટલ સંચાલકો સાથે પોલીસે મિટિંગ યોજાવાની જરૂર: શહેરની તમામ નાના-મોટા હોટલ સંચાલકો સાથે પોલીસના દેહવ્યાપાર નિવારણ શાખા અને મહિલા સુરક્ષા વિભાગ દ્વારા બેઠક યોજી એવાં ઘટકો સામે જાગૃતતા અને કાનૂની પગલાં અંગે માર્ગદર્શન આપવું જરૂરી છે.
નિવૃત્ત આર્મી મેન સાથે વિદેશી વિદ્યાર્થીનીઓએ માથાકૂટ કરી, છેડતીની ફરિયાદ કરવાની ધમકી પણ આપી: મોબાઈલમાં વાત કરતાં હતાં અને છાત્રોએ તમે અમારો વિડીયો ઉતારો છો કહીં માથાકૂટ કરી: પોલીસે મધ્યસ્થી કરી સમાધાન કરાવ્યું: રતનપર ગામ પાસે નિવૃત્ત આર્મીમેન પોતાના મોબાઈલમાં વાત કરતાં હતાં ત્યારે ત્યાં ઉભેલ વિદેશી વિદ્યાર્થીનીઓએ તમે અમારો વિડીયો ઉતારો છો કહીં ઝઘડો કર્યો હતો. પરંતુ નિવૃત આર્મીમેને તેમનો મોબાઈલ બતાવ્યો હતો. જેમાં વિડીયો રેકોર્ડિંગ જેવું કંઈ ન નીકળ્યું છતાં વિદેશી વિદ્યાર્થીઓએ તેમના વોટ્સએપ ગ્રુપમાં મેસેજ કરતાં કેટલાક અન્ય વિદેશી વિદ્યાર્થીઓ ઘસી આવ્યાં હતાં અને માથાકૂટ વધી હતી. જે બાદ નિવૃત આમીમેને ફરિયાદ કરવાનું કહેતાં સામે વિદેશી વિદ્યાર્થીનિએ પણ છેડતીની ખોટી ફરીયાદ કરવાની ધમકી આપી હતી. જે બાદ મામલો કુવાડવા રોડ પોલીસે માધ્યમથી કરી મામલો થાળે પાડ્યો હતો.