પશ્ચિમ બંગાળની રાજધાની કોલકાતામાં ભૂકંપના આંચકા અનુભવાયા હતા. શુક્રવારે સવારે 10.10 વાગ્યે આવેલા આ ભૂકંપનો આંચકો સમગ્ર બંગાળ અને ઢાકા સુધી અનુભવાયો હતો. બંગાળના અનેક જિલ્લાઓમાં ભૂકંપના આંચકા અનુભવાયા છે. અહેવાલો અનુસાર, શુક્રવારે સવારે બાંગ્લાદેશમાં ભૂકંપ આવ્યો, જે તુંગીથી આશરે 27 કિલોમીટર પૂર્વમાં હતો. યુરોપિયન-મેડિટેરેનિયન સિસ્મોલોજિકલ સેન્ટર (EMSC) અનુસાર, ભૂકંપ પછી ઘણા વિસ્તારોમાંથી હળવા આંચકા નોંધાયા હતા. ભૂકંપની તીવ્રતા રિક્ટર સ્કેલ પર 5.2 હતી. અત્યાર સુધી કોઈ નુકસાનના સમાચાર નથી. કૂચ બિહાર, દક્ષિણ દિનાજપુર, માલદા અને નાદિયાના અનેક વિસ્તારોમાં ભૂકંપના આંચકા અનુભવાયા હતા. ભૂકંપનું મૂળ સ્થાન બાંગ્લાદેશ હોવાનું જણાવવામાં આવે છે. બાંગ્લાદેશના અનેક વિસ્તારોમાં ભૂકંપના આંચકા અનુભવાયા હતા.