વિશ્વના ઘણા ભાગોમાં યુટ્યુબ અચાનક ડાઉન થઈ ગયું. જેના કારણે સોશિયલ મીડિયા પ્લેટફોર્મ પર યુઝર્સ તરફથી ફરિયાદોનો ધોધ શરૂ થયો. #YouTubeDown ટ્રેન્ડ થવા લાગ્યું. અને લોકોએ વિવિધ અનુભવો શેર કરવાનું શરૂ કર્યું. ઘણા દેશોમાં યુઝર્સે અહેવાલ આપ્યો કે વિડિઓઝ ચાલી રહ્યા નથી. હોમપેજ લોડ થતું નથી અને એપ્લિકેશન આપમેળે બંધ થઈ રહી છે. યુએસમાં મોટી સંખ્યામાં યુઝર્સે અહેવાલ આપ્યો કે યુટ્યુબ ખોલતાની સાથે જ સ્કીન પર એક જ સંદેશ દેખાયો: કંઈક ખોટું થયું છે. ઘણા લોકો એપ્લિકેશનમાં લોગ ઇન પણ કરી શક્યા નહીં. એક યુઝરે કહ્યું. મારી પસંદ કરેલી પ્લેલિસ્ટમાંના વિડિઓઝ કામ કરે છે. આનો અર્થ એ થયો કે કેટલાક જૂના પ્લેલિસ્ટના વિડિઓઝ ચાલી રહ્યા હતા. પરંતુ બાકીનું પ્લેટફોર્મ ડાઉન હતું.
લગભગ એક કલાક સુધી ડાઉન રહ્યા પછી વ્યવ્યણુક્ ફરી શરૂ થઈ ગયું છે અને સરળતાથી ચાલી રહ્યું છે. તેઓએ લખ્યું, સિસ્ટમમાં સમસ્યાને કારણે, બધા YouTube પ્લેટફોર્મ (હોમપેજ. YouTube એપ્લિકેશન. YouTube Music અને YouTube Kids સહિત) પર વિડિઓઝ દેખાઈ રહ્યા ન હતા. હોમપેજ હવે ફરીથી શરૂ થઈ ગયું છે, પરંતુ અમે હજુ પણ સંપૂર્ણ સુધારા પર કામ કરી રહ્યા છીએ.
આજે સવારે ૬.૪૨ વાગ્યે વિડિઓ પ્લેટફોર્મ YouTube ડાઉન થતા વપરાશકર્તાઓ વિડિઓ જોઈ શકતા ન હતા. વપરાશકર્તાઓના એકાઉન્ટ્સ પણ આપમેળે લોગ આઉટ થઈ રહ્યા હતા DownDetector અનુસાર, યુએસમાં આશરે ૨૮૩,૪૯૦ લોકોએ વિશ્વના સૌથી લોકપ્રિય વિડિઓ પ્લેટફોર્મ્સમાંના એક, YouTube વિડિઓઝને એક્સેસ કરવામાં અસમર્થ હોવાનું જણાવ્યું હતું. યુએસમાં, ૫૬ ટકા વપરાશકર્તાઓ YouTube એપ્લિકેશનમાં, ૨૧ ટકા YouTube વેબસાઇટમાં અને ૧૧ ટકા YouTube પ્લેટફોર્મમાં જ વિડિઓ સ્ટ્રીમિંગ અને એકાઉન્ટ લોગ આઉટ થવાની સમસ્યાઓનો સામનો કરી રહ્યા છે.
ભારતમા YouTube વપરાશકર્તાઓ આવી જ મુશ્કેલીઓનો સામનો કરી રહ્યા છે. આઉટેજ ટ્રેકિંગ વેબસાઇટ: DownDetector.in અનુસાર, ૧૪,૧૮૬ લોકોએ ૬:૪૭ વાગ્યે આની જાણ કરી. અને કુલ ૧૮,૦૦૦ વપરાશકર્તાઓએ ૬:૪૨ વાગ્યે YouTube ડાઉન થવાની જાણ કરી. રિપોર્ટ અનુસાર, ભારતમાં ૭૨% ફરિયાદો YouTube એપ્લિકેશન સાથેની તકનીકી સમસ્યાઓ સંબંધિત હતી. બીજા ૧૭% લોકોએ વિડિયો સ્ટ્રીમિંગમાં સમસ્યાઓની જાણ કરી બીજા ૧૧% લોકોએ વેબસાઇટમાં ટેકનિકલ સમસ્યાઓની જાણ કરી. ટીમયુટ્યુબે ઇન્સ્ટાગ્રામ પર પોસ્ટ કર્યું જો તમને હાલમાં યુટ્યુબને એક્સેસ કરવામાં મુશ્કેલી આવી રહી છે. તો તમે એકલા નથી – અમારી ટીમો આ સમસ્યાની તપાસ કરી રહી છે અને અહીં અપડેટ્સ આપવાનું ચાલુ રાખશે.