મેડ્રિડમાં પત્રકારો સાથે વાત કરતા માર્ગારિટા રોબલ્સે જણાવ્યું હતું કેઅમે ઈરાન સાથેના યુદ્ધ સંબંધિત કોઈપણ કાર્યવાહી માટે અમારા સૈન્ય મથકો અથવા અમારા હવાઈ ક્ષેત્રના ઉપયોગની મંજૂરી આપીશું નહીં.
આ નિર્ણયથી અમેરિકી વાયુસેનાએ હવે લાંબા રૂટ પરથી ઉડાન ભરવી પડશે, જેના કારણે તેમના મિશનમાં વિલંબ અને ખર્ચમાં વધારો થશે. જોકે, માત્ર ઈમરજન્સી ફ્લાઈટ્સ (કટોકટીના સમયની ઉડાન) ને જ આ પ્રતિબંધમાંથી મુક્તિ આપવામાં આવી છે.
સ્પેનના અર્થતંત્ર મંત્રીકાર્લોસ કુએર્પો (Carlos Cuerpo) એ આ નિર્ણયને યોગ્ય ઠેરવતા કહ્યું કે સ્પેન એવા કોઈપણ યુદ્ધને સમર્થન આપી શકે નહીં જે એકપક્ષીય રીતે અનેઆંતરરાષ્ટ્રીય કાયદાની વિરુદ્ધશરૂ કરવામાં આવ્યું હોય. સ્પેનનું માનવું છે કે આ યુદ્ધથી વૈશ્વિક અસ્થિરતા વધશે.
સ્પેનના વડાપ્રધાનપેડ્રો સાંચેઝ (Pedro Sanchez) શરૂઆતથી જ અમેરિકા-ઈઝરાયેલ દ્વારા ઈરાન પર કરવામાં આવતા હુમલાઓની ટીકા કરી રહ્યા છે. બીજી તરફ, અમેરિકી રાષ્ટ્રપતિડોનાલ્ડ ટ્રમ્પેસ્પેનના આ નિર્ણય સામે નારાજગી વ્યક્ત કરી છે અને સ્પેન પર વેપાર સંબંધિત જવાબી કાર્યવાહી (Trade Retaliation) કરવાની ધમકી આપી છે.
વૈશ્વિક અસરો: ભારત અને વિશ્વ માટે શું સંકેત?
તેલના ભાવ:સ્પેન જેવા દેશોના અસહકાર અને ઈરાનના આકરા વલણને કારણે ક્રૂડ ઓઈલના સપ્લાયમાં વધુ અવરોધ આવી શકે છે, જેની સીધી અસર ભારતમાં પેટ્રોલ-ડીઝલના ભાવ પર પડી શકે છે.
નાટો (NATO) માં ફૂટ:અમેરિકાના સાથી દેશો જ હવે યુદ્ધનો વિરોધ કરી રહ્યા છે, જે પશ્ચિમી દેશોના સંગઠનમાં આંતરિક મતભેદો સ્પષ્ટ કરે છે.
રોકાણકારો માટે ચિંતા:રોબર્ટ કિયોસાકીની આગાહી મુજબ, યુદ્ધ વધુ વકરતા સોના અને ચાંદીના ભાવમાં ઉછાળો જોવા મળી શકે છે.