આ જાહેરાત બાદ વૈશ્વિક બજારમાં સોના-ચાંદીના ભાવ ગગડ્યા છે અને શેરબજારમાં પણ મોટો કડાકો જોવા મળ્યો છે.
પુલ ઉડાવ્યા બાદ હવે ઈરાનના વિદ્યુત મથકો પર તોળાતું સંકટ
ઈરાનની વળતી ધમકી- ‘જો પાવર પ્લાન્ટ પર હુમલો થયો તો અમેરિકી કંપનીઓ ખતમ’
ટ્રમ્પની આ ધમકી બાદ ઈરાને પણ મૌન તોડ્યું છે. ઈરાને સ્પષ્ટ શબ્દોમાં ચેતવણી આપી છે કે જો અમેરિકા તેમના વિદ્યુત પ્રોજેક્ટ્સ અને પાવર ગ્રીડ પર હુમલો કરશે, તો ઈરાન અમેરિકા સાથે સંકળાયેલી તમામ વૈશ્વિક કંપનીઓ અને હિતો પર સીધા હુમલા કરશે. ઈરાને યુદ્ધ રોકવા માટે ૬ કડક શરતો પણ મૂકી છે, પરંતુ અમેરિકા હાલમાં કોઈ પણ સમજૂતીના મૂડમાં દેખાતું નથી. જો ખરેખર પાવર પ્લાન્ટ્સ પર હુમલા થશે, તો આ યુદ્ધ વધુ ભયાનક બનશે અને તેની ઝપેટમાં આખું વિશ્વ આવી શકે છે.
હોર્મુઝની ખાડીના મુદ્દે અમેરિકાએ પોતાનો પક્ષ સ્પષ્ટ કરતા કહ્યું છે કે તેમને હવે આ ખાડીની જરૂર નથી. ટ્રમ્પના મતે, જો હોર્મુઝની ખાડી ખુલ્લી થઈ જશે તો વૈશ્વિક બજારમાં તેલની કિંમતો આપોઆપ નીચે આવશે. જોકે, ઈરાને આ મહત્વપૂર્ણ જળમાર્ગ પર પોતાનું નિયંત્રણ મજબૂત કરી લીધું છે. નિષ્ણાતોના મતે, અમેરિકા હવે ઈરાનમાં સત્તા પરિવર્તનઈચ્છે છે અને તે માટે ઈરાનના પાયાના માળખાને તોડવાની રણનીતિ અપનાવી રહ્યું છે. આગામી દિવસો વિશ્વની અર્થવ્યવસ્થા અને શાંતિ માટે અત્યંત નાજુક માનવામાં આવી રહ્યા છે.
ડોનાલ્ડ ટ્રમ્પે સોશિયલ મીડિયા પ્લેટફોર્મ ‘ટ્રુથ સોશિયલ’ દ્વારા ખુલ્લી ચેતવણી આપી છે કે અમેરિકી સેના વિશ્વની સૌથી શક્તિશાળી સેના છે. તેમણે જણાવ્યું કે, “અમે ઈરાનમાં જે કંઈ બચ્યું છે તેને નષ્ટ કરવાની શરૂઆત કરી દીધી છે. પુલ બાદ હવે ઈરાનના પાવર પ્લાન્ટ્સ એટલે કે વિદ્યુત મથકો અમારો આગામી ટાર્ગેટ છે.” તાજેતરમાં જ અમેરિકા અને ઈઝરાયેલે ઈરાનના સૌથી મોટા પુલને બોમ્બમારો કરીને ઉડાવી દીધો છે, જેનાથી તેહરાનનો સંપર્ક કપાઈ ગયો છે.