નાણા મંત્રાલયે SBI, BoB અને LIC માટે જારી કરી નવી ગાઈડલાઈન્સ ( Modi Goverment Appeal to Banks)
અધિકારીઓના વિદેશ પ્રવાસ પર નિયંત્રણ અને VC દ્વારા મીટિંગના આદેશ
પેટ્રોલ-ડીઝલ વાહનોને સ્થાને ઇલેક્ટ્રિક વાહનો (EV) અપનાવવા પર ભાર
પીએમ મોદીએ નાગરિકોને સોનું અને વિદેશ પ્રવાસ ટાળવા કરી વિનંતી
વૈશ્વિક અસ્થિરતા અને ક્રૂડ ઓઈલ (Crude Oil) ના વધતા ભાવો વચ્ચે ભારત સરકારે એક મોટું પગલું ભર્યું છે.
વડાપ્રધાન નરેન્દ્રભાઇ મોદી (Narendra Modi) ની અપીલ બાદ નાણા મંત્રાલયે (Ministry of Finance) જાહેર ક્ષેત્રની બેંકો અને વીમા કંપનીઓ માટે ખર્ચમાં કાપ મૂકવા માટે ‘લોકડાઉન’ જેવી કડક માર્ગદર્શિકા જાહેર કરી છે.
Modi Goverment Appeal to Banks : વર્ચ્યુઅલ મીટિંગ્સ અને વિદેશ પ્રવાસ પર નિયંત્રણ
નાણાકીય સેવાઓ વિભાગ (Department of Financial Services) દ્વારા જારી કરાયેલા આદેશ મુજબ, સ્ટેટ બેંક ઓફ ઈન્ડિયા (SBI), બેંક ઓફ બરોડા (BoB) અને LIC જેવી સંસ્થાઓના ઉચ્ચ અધિકારીઓએ હવે બિનજરૂરી વિદેશ પ્રવાસ ટાળવો પડશે. તમામ મહત્વની બેઠકો અને પ્રોજેક્ટ રિવ્યુ હવે વીડિયો કોન્ફરન્સિંગ (Video Conferencing) દ્વારા જ કરવાના રહેશે. જ્યાં સુધી શારીરિક હાજરી અનિવાર્ય ન હોય ત્યાં સુધી પ્રવાસની મંજૂરી આપવામાં આવશે નહીં.
ઇલેક્ટ્રિક વાહનોને પ્રોત્સાહન
સરકારે પર્યાવરણ અને આર્થિક બચત બંનેને ધ્યાનમાં રાખીને ઇલેક્ટ્રિક વાહનો (Electric Vehicles) ના ઉપયોગ પર ભાર મૂક્યો છે. આદેશમાં જણાવાયું છે કે બેંકો અને વીમા કંપનીઓએ તેમના હેડક્વાર્ટર અને શાખાઓમાં ભાડે રાખેલા પેટ્રોલ-ડીઝલ વાહનોને બદલે શક્ય તેટલા વહેલા EV અપનાવવા માટે લક્ષ્યાંક નિર્ધારિત કરવો પડશે.
પીએમ મોદીની નાગરિકોને અપીલ
વડાપ્રધાન મોદીએ મધ્ય પૂર્વના યુદ્ધ (Middle East War) અને હોર્મુઝ સ્ટ્રેટ (Strait of Hormuz) માં પેદા થયેલા અવરોધોને કારણે તેલ આયાત પર પડતા દબાણ અંગે ચિંતા વ્યક્ત કરી છે. તેમણે નાગરિકોને પણ વિનંતી કરી છે કે:
જાહેર પરિવહનનો (Public Transport) મહત્તમ ઉપયોગ કરો.
ઓછામાં ઓછા એક વર્ષ માટે સોનાની (Gold) ખરીદી અને વિદેશ પ્રવાસ ટાળો.
ભારતમાં ઉત્પાદિત (Make in India) ચીજવસ્તુઓ જ ખરીદો જેથી વિદેશી હૂંડિયામણ બચાવી શકાય.