આ ગંભીર પરિસ્થિતિને ધ્યાનમાં રાખીને રાજ્ય સરકારના અન્ન અને નાગરિક પુરવઠા વિભાગે (Civil Supplies Department) ખેડૂતોના હિતમાં તેમજ ઇંધણના સંતુલિત વિતરણ માટે એક ખૂબ જ મહત્વનો અને મોટો નિર્ણય લીધો છે.
હવે ખેડૂતોને કડક મર્યાદામાં જ મળશે Dieselનો જથ્થો
સરકાર દ્વારા જાહેર કરવામાં આવેલા નવા નિયમો અનુસાર, હવે રાજ્યના ખેડૂતોને તેમના ટ્રેક્ટર, પંપસેટ કે અન્ય ખેતીવાડીના સાધનોના ઉપયોગ માટે એકસાથે વધુમાં વધુ 200 લીટર સુધી જ ડીઝલઆપવામાં આવશે. ખેડૂતો પોતાના વાહન, બેરલ (પીપડા) કે અન્ય કોઈ પણ સંગ્રહ કરવાના સાધન દ્વારા માત્ર 200 લીટરની નિર્ધારિત મર્યાદામાં જ ડીઝલ ખરીદી શકશે. પુરવઠા વિભાગનો આ નિયમ લાવવા પાછળનો મુખ્ય હેતુ એ છે કે ડીઝલનો યોગ્ય અને પારદર્શી ઉપયોગ થાય, સંગ્રહખોરી કે કાળાબજારી અટકે અને છેવાડાના નાના ખેડૂતો સુધી પણ પૂરતું ઇંધણ પહોંચાડી શકાય.
એકસાથે મોટો જથ્થો ખરીદવા પર રોક
તંત્રના અવલોકન મુજબ, અછતના ડરથી કેટલાક વિસ્તારોમાં મોટા ખેડૂતો કે તત્વો દ્વારા એકસાથે હજારો લીટર ડીઝલનો જથ્થો ખરીદી લેવામાં આવતો હતો, જેના કારણે સામાન્ય અને નાના ખેડૂતોને ભારે હાલાકી ભોગવવી પડતી હતી. હવે આ નવી લિમિટ નક્કી થવાથી વિતરણ વ્યવસ્થામાં સંતુલન જળવાઈ રહેશે. પુરવઠા વિભાગે સમગ્ર રાજ્યના તમામ પેટ્રોલ પંપ સંચાલકોને કડક આદેશ આપ્યા છે કે કોઈ પણ ખેડૂતને નક્કી કરેલી 200 લીટરની મર્યાદાથી વધુ ડીઝલ આપવું નહીં. નિયમોનું ઉલ્લંઘન કરનાર પંપ સામે કાયદેસરની કાર્યવાહી પણ થઈ શકે છે.
નવા સરકારી નિયમ અંગે ખેડૂતોમાં મિશ્ર પ્રતિસાદ
સરકારના આ અચાનક લેવાયેલા નિર્ણયને લઈને કિસાન આલમમાં મિશ્ર પ્રત્યાઘાતો જોવા મળી રહ્યા છે. નાના અને મધ્યમ વર્ગના કિસાનોનું કહેવું છે કે 200 લીટર ડીઝલ તેમની રોજિંદી ખેતીની જરૂરિયાતો અને પંપસેટ ચલાવવા માટે અત્યારે પૂરતું છે અને આનાથી લાઈનો ઓછી થશે. જ્યારે બીજી તરફ, મોટા જમીનદારો અને વધુ સાધનો ધરાવતા ખેડૂતો ચિંતિત છે કે આટલો જથ્થો તેમના મોટા ખેતરો ખેડવા માટે ઓછો પડશે. જોકે, સરકારે આશ્વસ્ત કર્યા છે કે આ વ્યવસ્થા માત્ર હાલની અછતની સ્થિતિને પહોંચી વળવા પૂરતી જ કામચલાઉ છે. આગામી દિવસોમાં ઇંધણનો પુરવઠો સામાન્ય થતાં જ આ નિયમોની પુનઃ સમીક્ષા કરવામાં આવશે.