બે ઠગબાજે 11 રાજ્યના 21 હજારથી વધુ લોકોને ખંખેર્યા: તિરુપતિ-સોમનાથ સહિત 126 ધાર્મિક સ્થળની ધર્મશાળા-હોટલની ફેક વેબસાઇટ બનાવી ખેલ પાડયો, ચીટિંગથી બચવા આટલી સાવધાની રાખોગુજરાતના 41 સહિત દેશના 11 રાજ્યના તિરુપતિથી લઈ સોમનાથ સહિતના ધાર્મિક સ્થળોની હોટલ, ધર્મશાળા, આશ્રમની 126 બોગસ વેબસાઈટ બનાવી લોકોને ખંખેરતા બે શખસો ઝડપાયા છે.ગુજરાત સાયબર સેન્ટર ઓફ એક્સેલન્સની તપાસમાં આરોપીઓએ અત્યાર સુધીમાં દેશભરના 21,985 લોકો સાથે છેતરપિંડી કરી હોવાનું સામે આવ્યું. આરોપીઓ AIની મદદથી વિવિધ પ્રવાસન સ્થળના ફોટોનો ઉપયોગ કરીને બોગસ વેબસાઈટ બનાવતા અને પ્રવાસીઓ પાસેથી એડવાન્સ બુકિંગના નામે ડીપોઝીટ મેળવી છેતરપિંડી કરતા.
આ સ્કેમનો માસ્ટરમાઈન્ડ બીટેક થયેલો વિકી ગુપ્તા છે. તેણે ટેક્નિકલ નોલેજનો ઉપયોગ કરી બોગસ વેબસાઈટો તૈયાર કરી હતી.આરોપીઓની મોડસ ઓપરેન્ડી
આરોપીઓ દેશના વિવિધ ધાર્મિક સ્થળો પર આવેલી હોટલ, ધર્મશાળા, આશ્રમની વેબસાઈટ જેવી જ AI ફોટોની મદદથી વેબસાઈટ તૈયાર કરતા. પ્રવાસી જ્યારે રૂમ બુકીંગ માટે સંપર્ક કરે ત્યારે એડવાન્સ બુકીંગ માટે પૈસા મેળવી લેતા. પ્રવાસી જ્યારે હોટલ કે ધર્મશાળા પર પહોંચે ત્યારે તેઓને છેતરાયાનું માલૂમ પડતું.દેશભરના 21,985 લોકો ભોગ બન્યા, 70 ફરિયાદ નોંધાઈ આરોપીઓની પૂછપરછમાં અને તપાસમાં દેશભરના 21,985 લોકો છેતરાયા હોવાનું સામે આવ્યું છે. બોગસ વેબસાઈટથી છેતરપિંડીની કૂલ 70 ફરિયાદો નોંધાઈ છે. ઠગ ટોળકી છેલ્લા 8 મહિનાથી આ રીતે લોકોને ખંખેરતા હતા.
હાલ પોલીસ તપાસ કરી રહી છે કે આ 126થી વધુ બોગસ વેબસાઈટ કોણે ખરીદી હતી, તેનો ઉપયોગ અન્ય કોણ કરતું હતું અને આ નેટવર્કમાં હજુ કેટલા લોકો સંકળાયેલા છે. આ માટે પોલીસની ટીમો ગુજરાત બહાર પણ તપાસ કરી રહી છે.PNB Oneના નામે APK ફાઈલ મોકલી 31 હજાર મોબાઈલ હેક કર્યાPNB Oneના નામે બોગસ APK ફાઈલ બનાવી લોકોના મોબાઈલ પર મોકલી હેક કરતી ગેંગને સુરત પોલીસે બિહારથી ઝડપી પાડી છે. ચાર આરોપીઓ પટનાની હોટલમાં રાત્રે ઊંઘી રહ્યા હતા ત્યારે જ સુરત પોલીસની ટીમે હોટલ પર પહોંચી ચારેયને દબોચી લીધા. અત્યાર સુધીમાં ટોળકીએ 31,174 મોબાઈલ હેક કરી રૂ. 125 કરોડ રૂપિયા ટ્રાન્સફર કરી લીધા હોવાનું સામે આવ્યું છે.