શું તમારા ગામ કે શહેરથી 20 કિલોમીટરની સીમામાં કોઈ ટોલ પ્લાઝા આવેલું છે? જો હા, તો આ સમાચાર ખાસ તમારા માટે જ છે! હવે તમારે ટોલ પ્લાઝા પરથી પસાર થતી વખતે દર વખતે ખિસ્સામાંથી રૂપિયા ચૂકવવાની ઝંઝટમાંથી મુક્તિ મળવા જઈ રહી છે. સરકાર દ્વારા ટોલ પ્લાઝા નજીક રહેતા ખાનગી વાહન માલિકો માટે એક અત્યંત રાહતરૂપ વાર્ષિક લોકલ પાસ યોજનાની જાહેરાત કરવામાં આવી છે, જેનાથી સ્થાનિક મુસાફરોને મોટો આર્થિક ફાયદો થશે.અનલિમિટેડ અવરજવર માટે માત્ર ₹1,500 કે ₹3,000નો વાર્ષિક પાસ
નવી યોજના મુજબ, 20 કિમીના વિસ્તારમાં રહેતા વાહન માલિકો ટોલ પ્લાઝા મુજબ માત્ર ₹1,500 અથવા ₹3,000નો વાર્ષિક પાસ કઢાવી શકશે. આ પાસ કઢાવ્યા બાદ વાહનચાલકો આખા વર્ષ દરમિયાન સંબંધિત ટોલ પ્લાઝા પરથી અનલિમિટેડ અવરજવર કરી શકશે. જોકે, આ પાસ મેળવવા માટે વાહન બિન-વ્યાવસાયિક (Non-commercial) હોવું જોઈએ અને તેના પર માન્ય FASTag લગાડેલું હોવું ફરજિયાત છે. આ પાસ માત્ર જે તે સંબંધિત ટોલ પ્લાઝા પર જ માન્ય ગણાશે.
1 નવેમ્બર 2026થી લાગુ થશે નવા નિયમો
આ રાહતરૂપ નવા નિયમો 01 નવેમ્બર 2026થી દેશભરમાં સત્તાવાર રીતે લાગુ કરી દેવામાં આવશે. પરંતુ વાહનચાલકોએ એક બાબત ખાસ ધ્યાનમાં રાખવાની રહેશે કે જે ટોલ પ્લાઝા પાસે સર્વિસ રોડ ઉપલબ્ધ હશે, ત્યાંના સ્થાનિકોને આ વાર્ષિક પાસ યોજનાનો લાભ મળશે નહીં. છતાં પણ, રોજબરોજ ટોલ ભરીને કંટાળેલા હજારો સ્થાનિક વાહનચાલકો માટે આ નિર્ણય ખૂબ જ રાહત આપનારો સાબિત થશે.