ગુજરાત કોંગ્રેસના નવા પ્રમુખ શક્તિસિંહ ગોહિલ
દિપક બાબરિયાની દિલ્હી અને હરિયાણાના કોંગ્રેસ પ્રભારી તરીકે નિયુક્તી : મુંબઇમાં વર્ષા ગાયકવાડ અને પોંડિચેરીમાં વી. વૈથીલિંગમની પ્રદેશ કોંગ્રેસ સમિતિના અધ્યક્ષની પણ જાહેરાત
અમદાવાદ
ગુજરાત કોંગ્રેસના નવા પ્રમુખ તરીકે શક્તિસિંહ ગોહિલના નામની હાઈકમાન્ડ દ્વારા જાહેરાત કરવામાં આવી છે.શક્તિસિંહ ગોહિલે જણાવ્યું હતું કે, બધાના આશીર્વાદથી આજે મને પ્રમુખ પદ મળ્યું છે આ માટે હું પત્રકાર પરિષદ કરી પત્રકારો સમક્ષ મારી વધુ વાત રજૂ કરીશ.કેન્દ્રીય કોંગ્રેસ સમિતિ દ્વારા પરિપત્ર બહાર પાડીને જણાવવામાં આવ્યું કે મુંબઈ પ્રદેશ કોંગ્રેસ સમિતિમાં ધારાસભ્ય વર્ષા ગાયકવાડ, અને પોંડિચેરી પ્રદેશ કોંગ્રેસ સમિતિમાં સાંસદ વી. વૈથીલિંગમની નિયુક્તિ કરવામાં આવી છે. દિપક બાબરિયાને દિલ્હી અને હરિયાણાના કોંગ્રેસ પ્રભારી તરીકે નિયુક્ત કરવામાં આવ્યા છે.
પૂર્વ વિરોધપક્ષના નેતા પરેશ ધાનાણીએ જણાવ્યું હતું કે, શક્તિસિંહ ખુબ અનુભવી અને પરિપક્વ આગેવાન છે. વહીવટી અને સંગઠનનો પણ તેઓ અનુભવ ધરાવે છે. પાયાના સિદ્ધાતો તેમની ગળથુથીમાં છે. આવતા દિવસોમાં ગુજરાત કોંગ્રેસ તેમના નેતૃત્વમાં જ્વલંત સફળતા મેળવશે તેવી અમને આશા છે.
ગુજરાત પ્રદેશ કોંગ્રેસના પૂર્વ પ્રમુખ અર્જુન મોઢવાડીયાએ જણાવ્યું હતું કે, શક્તિસિંહ પ્રમુખ બન્યા તે પાર્ટીનો નિર્ણય આવકાર્ય છે. ઘણા સમયથી રાહ જોતા હતા 6 મહિનાથી અમે રાહ જોતા હતા. અનુભવી આગેવાન છે શક્તિસિંહ માટે પરિવર્તન ચોક્કસ આવશે. અનુભવી નેતૃત્વ છે માટે લોકસભાની ચૂંટણીના પરિણામોમાં પણ અસર જોવા મળશે.
શક્તિસિંહ ગોહિલ biodeta
