મોરબીના વેપારીની છેતરપીંડીની ફરિયાદમાં કિરણ પટેલને ટ્રાન્સફર વોરંટ આધારે શ્રીનગર સેન્ટ્રલ જેલ ખાતેથી લાવી ઘરપકડ કરતી અમદાવાદ ક્રાઇમ બ્રાન્ચ

અમદાવાદ

ફરિયાદી ભરતભાઇ S/O મગનભાઇ મકનભાઇ પટેલ ઉવ.૩૭ ધંધો:- વેપાર રહે.ગામ જોધપર નદી તા.જી.મોરબી સને-૨૦૧૭ માં મોરબી ખાતે બીજોટીક લાઇફ સાયન્સ પ્રા.લિ.નામની કંપની શરુ કરવાના હોય તેઓને કલાસ વન ઓફિસર ની ઓળખ આપી કંપની માટે જરૂરીજી. પી.સી.બી. બોર્ડનુ લાયસન્સ કઢાવી આપવા ફી તેમજ પ્રોસેસીંગ પેટે રૂ.૪૨,૮૬,૦૦૦ મેળવી લઇ લાયસન્સનું કોઇ પણ પ્રકારનુ કામ નહી કરી આપી નાંણા પરત આપેલ નહી જે બાબતે સોલા હાઇકોર્ટ પો.સ્ટે “એ”માં  ઇપીકો કલમ ૧૭૦, ૪૦૬, ૪૨૦, ૧૨૦(બી) મુજબનો ગુનો નોંધાયેલ હોય ઉપરી અધિકારીની સુચનાથી આગળની વધુ તપાસ અત્રે અમદાવાદ ક્રાઇમબ્રાન્ચને સોંપવામાં આવતા પોલીસ ઇન્સ્પેકટર  વી.બી.આલ દ્વારા વધુ તપાસ તજવીજ હાથ ધરવામાં આવેલ છે. આ ગુનામાં અગાઉ આરોપી બહેન માલીનીબેન ઉર્ફે માલુ કિરણભાઇ ઉર્ફે બંસી ઘોડાસર ને ગઇ તા.૦૫/૦૫/૨૦૨૩ ના રોજ અટક કરવામાં આવેલ છે.આરોપી કિરણભાઇ ઉર્ફે બંસી શ્રીનગર સિટીના નિસાત પોલીસ સ્ટેશનના ગુનામાં નામદાર કોર્ટ કસ્ટડી હેઠળ શ્રીનગર સેન્ટ્રલ જેલમાં હોય ટ્રાન્સફર વોરંટ આધારે આરોપીનો કબ્જો મેળવી. આજરોજ તા.૧૦/૦૮/૨૦૨૩ ના રોજ અત્રે લાવી આગળની વધુ તપાસ તજવીજ હાથ ધરવામાં આવેલ છે.આરોપી કિરણ પટેલે ફરિયાદીનો વિશ્વાસ કેળવવા માટે કલાસ વન ઓફિસર તરીકેની ઓળખ આપેલ તેમજ આરોપી બહેન માલિનીબેન પટેલે પણ પોતાના પતિ કલાસ વન ઓફિસર છે અને સરકાર મા સારી ઓળખાણો અને વગ ધરાવતા હોવાનુ જણાવેલ

• ફરિયાદી સાથે મિટીંગ દરમ્યાન લાયસન્સ ની તમામ પ્રોસીઝર અને ફી મળી કુલ ૪૦ થી ૪૫ લાખ જેટલા રૂપિયા આપવા પડશે તેમ જણાવેલ

• ફરિયાદીએ સૌપ્રથમ આરોપી કિરણ પટેલ ના રહેણાક સ્થળે જઇ રોકડા રૂપિયા ૨૦ લાખ ચુકવેલ બાદ ટુકડે ટુકડે બીજા રૂપિયા મળી કુલ ૪૦,૩૬,૦૦૦/- આપેલ- ત્યારબાદ આરોપી કિરણ પટેલે પોતાને પ્રોપર્ટી ખરીદવા માટે અઢી લાખ રૂપિયાની જરૂર છે, જે રૂપિયા તમને થોડા દિવસ પછી પરત આપી દઇશ તેમ જણાવી બીજા અઢી લાખ રૂપિયા લીધેલ થોડા દિવસ પછી આ અઢી લાખ રૂપિયા પરત માંગતા પોતાની XUV ગાડી રાખવા આપેલ બાદ ગાડી પરત લઇ ચેક આપતા ફરિયાદીએ બેંકમા તપાસ કરતા તેના બેંક એકાઉન્ટ મા બેલેન્સ નહી હોવાનુ જણાય આવેલ

• તેમજ સાત આંઠ મહિના સુધી લાઇસન્સની પ્રોસેસ આગળ વધેલ નહી જેથી ફરિયાદીએ તપાસ કરતા કિરણ પટેલ કોઇ અધિકારી નથી અને ખોટુ ઓળખ આપી લાઇસન્સ કઢાવી આપવાના બહાને રૂપિયા લઇ લીધેલ હોવાની જાણ થતા કિરણ પટેલ ને મળી વાત કરતા પોતાને રૂપિયાની જરૂર હોવાથી આ કામ કરેલ છે હાલ રૂપિયા નથી થોડા સમય મા પરત આપી દઇશ તેમ જણાવેલ • બાદ જો આ રૂપિયા ના ચુકવી શકુ તો નારોલ ખાતે આવેલ પ્રોપર્ટી નો હક તમારો રહેશે તેવુ લખાણ લખી આપેલ • બાદ ફરિયાદીને જાણ થયેલ કે આ પ્રોપર્ટી વાંધા વાળી છે જેથી ફરિયાદીએ સોલા પોલીસ સ્ટેશન માં ફરિયાદ કરવા જતા કિરણ પટેલે જણાવેલ કે ગમે તેમ કરીને રૂપિયા ચુકવી દઇશ તેમ કરીને સમાધાન કરેલ જેથી જે તે વખતે કોઇ ફરિયાદ કરેલ નહી.

• આરોપી કિરણ પટેલ પી.એમ.ઓ. કાર્યાલય ના અધિકારી તરીકેની તથા મોટા ઉધોગકાર અને પોતાને કોર્પોરેટ ક્ષેત્રોમા ભાગીદાર હોવાની ઓળખો આપી પ્રભાવિત કરી પોતાના અન્ય કોઇ પ્રોજેકટમાં ઇન્વેસ્ટ કરવા તથા કામ અપાવવાના પ્રલોભનો આપી પોતાનો આર્થિક હેતુ પાર પાડી છેતરપીંડી કરવાની ટેવવાળો હોવાનું તપાસ દરમ્યાન જણાય આવેલ છે.

• આરોપી શ્રીનગર સિટીના નિસાત પોલીસ સ્ટેશનના ગુનામાં નામદાર કોર્ટ કસ્ટડી હેઠળ શ્રીનગર સેન્ટ્રલ જેલમાં હોય ટ્રાન્સફર વોરંટ આધારે આરોપીનો કબ્જો મેળવી અત્રે લાવી સોલા હાઇકોર્ટ પો.સ્ટે નાં ઉપરોકત ગુનાના કામે ધરપકડ કરી આગળની વધુ તપાસ તજવીજ હાથ ધરેલ છે.