અમદાવાદ
ગુજરાત મેટ્રો રેલ કોર્પોરેશન લિમિટેડની અખબારી યાદીમાં જણાવ્યા અનુસાર હાલમાં મેટ્રો ટ્રેન સેવાઓ અમદાવાદમાં સવારે ૬.૨૦ કલાકથી રાત્રિના ૧૦ કલાક દરમિયાન કાર્યરત છે. સવારે ૬.૨૦ થી સવારે ૭ વાગ્યા સુધી ૨૦ મિનિટનાં અંતરાલ પર તથા સવારે ૭ વાગ્યાથી રાત્રિના ૧૦ વાગ્યા સુધી સમગ્ર દિવસ દરમિયાન નિશ્ચિત ૧૨ મિનિટનાં અંતરાલ પર મેટ્રો ટ્રેન સેવાઓ કાર્યરત છે.નવરાત્રિ ઉત્સવની ઉજવણીનાં અવસર પર તારીખ ૨૩-૧૦-૨૦૨૩ સુધી સવારે ૬.૨૦ થી મધ્યરાત્રિના ૨ વાગ્યા સુધી મેટ્રો ટ્રેન ઉપલબ્ધ રહેશે. તારીખ ૨૩-૧૦-૨૦૨૩ સુધી મેટ્રો ટ્રેન સેવાઓ સવારે ૬.૨૦ કલાકથી રાત્રિના ૧૦ કલાક દરમિયાન રાબેતા મુજબ ઉપલબ્ધ રહેશે તેમજ રાત્રિના ૧૦ કલાકથી મધ્યરાત્રીના ૨ વાગ્યા સુધી દરેક મેટ્રો સ્ટેશનથી ૨૦ મિનિટનાં અંતરાલ પર ઉપલબ્ધ રહેશે. બંને કોરિડોરમાં દરેક ટર્મિનલ સ્ટેશનથી છેલ્લી ટ્રેન ઉપડવાનો સમય મધ્યરાત્રિના ૨ વાગ્યાનો રહેશે.