ગાંધીધામમાં બે વર્ષીય બાળક અમન રૂદલ સરયુગ યાદવનું અપહરણ કરી મોતને ઘાટ ઉતારવાના બનાવે ચકચાર સર્જી છે.પોલીસે આ બનાવમાં સીસી ટીવી ફૂટેજ મેળવી ઊંડી તપાસ કરી હત્યાનો ભેદ ઉકેલી હત્યારા રુદલ રામલખન યાદવ (ઉ.૪૬) ની ધરપકડ કરી છે. ફરિયાદી અને આરોપી બન્ને પરિવાર અગાઉ શેરીંગમાં એક ફલેટ ભાડે રાખી સાથે રહેતા હતા.પણ, બન્ને પરિવારની મહિલાઓ વચ્ચે ડખ્ખા થવાથી ફરિયાદી રૂદલ યાદવનો પરિવાર અલગ રહેવા ગયો હતો.
આ મુદ્દે ખાર રાખી આરોપી રૂદલ યાદવે રમતા બાળક અમનનું અપહરણ કરી તેને કંડલા ફ્રી ટ્રેડ ઝોન પાસેની બાવળની ઝાડીમાં લઈ જઈ ક્રૂર રીતે પછાડી તેની હત્યા નિપજાવી હતી. પોલીસે માસૂમની નિર્મમ હત્યા કરનાર ક્રૂર હત્યારા રૂદન રામલખન યાદવને ઝડપી તેની સામે કાયદેસર કાર્યવાહી હાથ ધરી છે.બે વર્ષના માસૂમ બાળકની ક્રૂર હત્યાના બનાવે કંડલા ગાંધીધામ પંથકમાં અરેરાટી સર્જી છે.