ભારતીય જનતા પાર્ટી ગાંધીનગર મહાનગર ડોક્ટર સેલ દ્વારા ધનતેરસના પવિત્ર દિને ગાંધીનગર ભાજપાના સેક્ટર 21 ખાતેના કાર્યાલય શ્રી કમલમ ખાતે ધન્વંતરિ પૂજા નું આયોજન કરવામાં આવ્યું હતું. ઉપરોકત પૂજામાં ગાંધીનગર મહાનગરના અધ્યક્ષ શ્રી ઋચિર ભટ્ટ, ધારાસભ્ય શ્રીમતી રીટાબેન પટેલ,મેયર શ્રી હિતેશભાઈ મકવાણા, ડેપ્યુટી મેયર શ્રી પ્રેમલસિંહ ગોલ, સ્ટેન્ડિંગ કમિટીના ચેરમેન શ્રી જશવંતભાઈ પટેલે ઉપસ્થિત રહી ભગવાન શ્રી ધન્વંતરિ ની પૂજા અર્ચના કરી ભાજપા પક્ષ અને પક્ષના સર્વે કર્મઠ કાર્યકરોની સુખાકારી માટે પ્રાર્થના કરી હતી. આ પૂજન અર્ચન પ્રસંગે ગાંધીનગર મહાનગર સંગઠનના પદાધિકારીશ્રીઓ, કોર્પોરેટરશ્રીઓ, વિવિધ મોરચા અને સેલના પદાધિકારીશ્રીઓ, સહિત કાર્યકર્તા ભાઈઓ અને બહેનો ઉપસ્થિત રહ્યા હતા.