અમદાવાદમાં દારુના નશામાં ફાયરિંગ થઈ હોવાના સમાચાર સામે આવ્યા છે. આ ઘટના અમદાવાદના બોપલ એરિયાની છે, જ્યાં 6 લોકોએ સ્ટાર્ટર ગનથી હવામાં ફાયરિંગ કર્યુ હોવાનું સામે આવ્યું છે. પોલીસને આરોપીઓ પાસેથી 24 જેટલી બિયર અને એક સ્કોચની બોટલ પણ પોલીસે કબજે કરી છે.અને સાથે જ ઘટના સ્થળ પરથી US મેડ પિસ્તોલ અને 7 ખાલી કારતૂસ મળી આવ્યા છે.હાલ પોલીસે ગેરકાયદેસર હથિયાર રાખીને ફાયરિંગ કરવા સંદર્ભનો ગુનો દાખલ કર્યો છે.
પોલીસ જ્યારે ઘટનાસ્થળે પહોંચી ત્યારે બે લોકોએ પાંચમા માળેથી ચોથા માળની અગાસીમાં કૂદવાનો પ્રયાસ કર્યો હતો. આથી બન્નેને ઈજા પહોંચી છે. સૂત્રો પાસેથી મળતી માહિતી પ્રમાણે આ લોકો દારૂની મેહફિલ માણવા માટે ભેગા થયા હતા. જ્યારે કેટલાક જમીન દલાલ છે. જે પિસ્તોલ મળી આવી છે એ લાઇસન્સ વગરની હોવાનું સામે આવ્યું છે. હાલ સમગ્ર મામલે બોપલ પોલીસે આરોપીઓને પકડીને કાયદેસરની કાર્યવાહી શરૂ કરી છે.
અગાઉ દાહોદમાં પણ આ પ્રકારે ફાયરિંગની ઘટના બની હતી, જ્યાં એક કોન્સ્ટેબલે દારૂના નશામાં બે રાઉન્ડ હવાઈ ફાયરિંગ કર્યું હોવાની ઘટના સામે આવી હતી. ત્યારે પોલીસ કોન્સ્ટેબલે દારૂના નશામાં ફાયરિંગ કરતા પોલીસ વિભાગ સામે અનેક સવાલો ઉઠ્યા હતા.