રાજ્યમાં દારૂની હેરાફેરી માટે અવનવી તરકીબો અજમાવવામાં આવતી હોય છે. અનેક વખત ખૂબ જ ચોંકાવનારી મોડસ ઓપરેન્ડી સામે આવી ચૂકી છે, જેના દ્વારા દારૂની હેરાફેરી કરવામાં આવતી હોય. આવી જ એક ઘટના છોટાઉદેપુરમાં સામે આવી છે. જ્યાં ફ્લિમી ઢબે દારૂની હેરાફેરી કરતી મહિલાઓ ઝડપાઇ છે. બે મહિલાઓ છોટાઉદેપુર-જૂનાગઢ એસ.ટી. બસનો ઉપયોગ કરી દારૂની હેરાફેરી કરતી હતી.
બોડેલી એસ.ટી. ડેપોમાં બસમાંથી વિદેશી દારૂ ઝડપાયો હતો. બસમાં મુસાફરી કરતી મહિલાઓ સ્કૂલ બેગ તેમજ થેલીનો ઉપયોગ કરતી હતી. પોલીસે 40 હજાર ઉપરાંતના વિદેશી દારૂના જથ્થા સાથે બે મહિલાઓની ધરપકડ કરી છે.