તમારાં બાળકોને પડીકાંનાં નાસ્તા બંધ કરો, કેટલું નુકશાન થાય છે, વાંચો આ અહેવાલમાં

ચિપ્સ બાળકોને સૌથી વધુ પસંદ હોય છે. ઘરની બહાર નિકળતાં જ બાળકો સૌથી પહેલાં ચિપ્સના પેકેટની ડિમાંડ કરે છે. ઘણીવાર માતા પિતા પણ બાળકોને ઘરમાં ચિપ્સના પેકેટ લઇ આપે છે. પરંતુ શું તમે જાણો છો કે આ ચિપ્સ તમારા બાળકના સ્વાસ્થ પર કેટલી ખરાબ અસર કરે છે. પેકેટ બંધ ચિપ્સ ના ફક્ત તમારા બાળકોને મોટાપાનો શિકાર બનાવે છે પરંતુ તેને ઘણી બિમારીઓને ઘેરી લે છે.

તેમાં ડાયાબિટીસથી માંડીને કેન્સર સુધીની બિમારીઓ સામેલ છે. રિસર્ચમાં જાણવા મળ્યું છે કે પેકેટ બંધ ચિપ્સ હાર્ટ સંબંધિત બિમારીઓનો ખતરો પણ રહે છે. આવો જાણીએ પેકેટ બંધ ચિપ્સ તમારા બાળકના સ્વાસ્થ્ય પર નકારાત્મક અસર કરે છે.

તમારા બાળકો ભુખ કે ઈચ્છાને સંતોષવા પડીકાનો ખોરાક ખાઈ રહ્યો છો. તો આ સમાચાર તમારા માટે છે. વિશ્વ ભરમાં વધી રહેલા ફાસ્ટફૂડ, ઝંક ફૂડ અને પેકેજિંગ ફૂડનું સેવન લોકોના સ્વાસ્થ્ય માટે હાનિકારક સાબિત થઈ રહ્યો છે.. ત્યારે ભારતના લોકો પણ આ હોડમાંથી બાકાત નથી. ભારત ભરમાં લોકો પોતાના અને પોતાના બાળકો માટે પેકેજિંગ ફૂડ એટલેકે પડીકાના ખોરાક ખાઈ રહ્યા છે.

હાલમાં જ એક રિપોર્ટથી ખુલાસો થયો છે. આ તમામ ચીજો સ્વાસ્થ્ય માટે ખુબ જ જોખમી સાબિત થઈ રહી છે. ભુજિયા, બિસ્કિટ કે બર્ગર આ બધી એવી વસ્તુઓ છે જે તમે ખાઓ છો અને મહેમાનોને પણ ખવડાવો છો. કારણ કે તેનો સ્વાદ જ એવો હોય છે. પણ શું તમે એ જાણો છો કે બજારમાં મળતા આવા ખાવાના અનેક સામાનમાં એક એવી ખતરનાક ચીજ છે જે તમારી જિંદગી અનેક વર્ષ ઓછી કરી શકે છે. જેનું નામ છે ટ્રાન્સ ફેટ.

અત્રે જણાવવાનું કે કોઈ પણ તેલને જ્યારે હાઈડ્રેજિનેશનની પ્રક્રિયા દ્વારા જમાવવામાં આવે છે ત્યારે તેને જામેલી ફેટમાં ફેરવવામાં આવે છે અને પછી તે ટ્રાન્સ ફેટ કે ટ્રાન્સ ફેટી એસિડ્સ સ્વરૂપ લઈ લે છે. અત્રે જણાવવાનું કે બિસ્કિટ હોય કે નમકીન તેમાં ટ્રાન્સ ફેટનો ઉપયોગ એટલા માટે કરવામાં આવે છે જેથી કરીને તેને લાંબા સમય સુધી જાળવી શકાય એટલે કે બગડી નહીં અને મજા લઈને ખાઈ શકાય.

દેશી ઘી અને માખણ ટ્રાન્સ ફેટ નથી પરંતુ ત્રણવારથી વધુ વખત તળેલું રિફાઈન્ટ ઓઈલ ટ્રાન્સ ફેટ બની જાય છે. ટ્રાન્સ ફેટ શરીરમાં બેડ કોલસ્ટ્રોલ વધારે છે. આનાથી પણ ખરાબ વાત એ છે કે વધુ પ્રમાણમાં ટ્રાન્સ ફેટ લેવાથી શરીરમાં રહેલું ગુડ કોલસ્ટ્રોલ એટલે કે જરૂરી ફેટ પણ બેડ કોલસ્ટ્રોલમાં ફેરવાય છે. ભારતીયોને હ્રદયની બીમારી આપવામાં આ ટ્રાન્સ ફેટની મોટી ભૂમિકા છે.

ડોક્ટરોના જણાવ્યાં મુજબ ટ્રાન્સ ફેટની જરૂર આપણા શરીરને છે જ નહીં. ટ્રાન્સ ફેટ આપણા શરીરમાં રહેલી સારી ફેટને પણ ખરાબ ફેટમાં ફેરવે છે. તે ફક્ત આર્ટરીમાં જમા થઈને હ્રદયને જ નુકસાન પહોંચે છે એવું નથી પરંતુ સાથે સાથે લિવર અને બ્રેઈન ઉપર પણ ખરાબ અસર પાડે છે.

WHO ના એક લેટેસ્ટ રિપોર્ટ મુજબ દુનિયામાં 5 અબજ લોકોનું જીવન ટ્રાન્સ ફેટ્સે ઘટાડી દીધુ અને તેઓ હ્રદયની બીમારીના જોખમ સાથે જીવી રહ્યા છે. 2018માં ખોરાકમાંથી ટ્રાન્સ ફેટ્સને ઘટાડવા અને 2023 સુધીમાં ટ્રાન્સ ફેટ્સ ખાદ્ય પદાર્થોથી સંપૂર્ણ રીતે ખતમ કરવાના પ્રયત્નો શરૂ થયા હતા. જો કે હવે 43 દેશ આ મામલે આગળ વધ્યા છે. 2022માં ભારત પણ આ યાદીમાં સામેલ થયું.

હવે એ પણ જાણીએ કે આવી પ્રોડક્ટ્સમાં ટ્રાન્સનું પ્રમાણ કેટલું હોવું જોઈએ. WHO ના માપદંડો મુજબ ટ્રાન્સ ફેટ્સનું પ્રમાણ પ્રતિ 100 ગ્રામમાં 2 ગ્રામથી વધુ હોવું જોઈએ નહીં. WHO નું તો એ પણ કહેવું છે કે પેક રિફાઈન્ડ ઓઈલ કે જેમાં હાઈડ્રોજન વધુ માત્રા વધુ હોય તેને બેન કરવામાં આવે. ભારતમાં ફૂડ સેફ્ટી એન્ડ સ્ટાન્ડર્ડ્સ ઓથોરિટીએ જાન્યુઆરી 2022માં આ નિયમ લાગૂ કર્યા છે પરંતુ બજારમાં વેચાઈ રહેલા આ પ્રોડક્ટ્સ આ માપદંડોનું કેટલું પાલન કરે છે તે કહી શકાય નહીં.

2019 માં, CSI એ ટ્રાન્સ ચરબીનું વાસ્તવિકતા પરીક્ષણ હાથ ધર્યું હતું, જેમાં ચિપ્સ અને ભુજિયાની ઘણી પ્રખ્યાત બ્રાન્ડ્સના પેકેટમાં ટ્રાન્સ ચરબી શોધવા માટે લેબમાં વિશ્લેષણ કરવામાં આવ્યું હતું. એવું જાણવા મળ્યું કે જો તમે 30 ગ્રામની ચિપ્સનું પેકેટ ખાધું તો સમજો કે તમે દિવસભરની કુલ ચરબીનો લગભગ અડધો ભાગ ખાધો છે. અને તે પણ ટ્રાન્સ ચરબીના રૂપમાં, નટ ક્રેકર્સ, બેકડ ચિપ્સ અને ભુજિયામાં વધારાની ચરબી જોવા મળે છે.

RDA એટલે કે ભલામણ કરેલ આહાર ભથ્થું આપણા શરીરમાં પોષક તત્વોની જરૂરિયાત મુજબ નક્કી કરવામાં આવે છે. RDA અનુસાર, તંદુરસ્ત વ્યક્તિ માટે મીઠું 5 ગ્રામ, ફેટ 60 ગ્રામ, ટ્રાન્સ ફેટ 2.2 ગ્રામ અને 300 ગ્રામ કાર્બોહાઇડ્રેટ્સનું પ્રમાણ નક્કી કરવામાં આવ્યું છે. આ રકમ તંદુરસ્ત પુખ્ત વ્યક્તિ માટે 2000 કેલરીની દૈનિક જરૂરિયાત મુજબ લેવામાં આવી છે. બાળકોની જરૂરિયાત આના કરતાં ઘણી ઓછી છે.