રાજ્યના બનાસકાંઠાના પાલનપુરના નવા એસટી પોર્ટ પાસે ફર્સ્ટ ડેટ કાફેમાંથી બે યુવતીઓએ ત્રીજા માળેથી છલાંગ લગાવી હતી.મળતા અહેવાલ પ્રમાણે ફર્સ્ટ ડેટ કાફેમાં પોલીસે અચાનક દરોડા પાડ્યા હતા.
પોલીસના દરોડાથી ડરી ગયેલી બે યુવતીઓ ભાગવા માટે ત્રીજા માળેથી છલાંગ લગાવી હતી. જેમાંથી એક યુવતીને ગંભીર ઇજાઓ પહોચી છે.
મળતા અહેવાલ પ્રમાણે કાફેમાં ગેરકાયદેસર પ્રવૃત્તિઓ થતી હોવાની પાલનપુર પશ્ચિમ પોલીસને બાતમી મળી હતી. હાલ આ બંને યુવતીઓને પાલનપુર સિવિલમાં સારવાર અર્થે ખસેડવામા આવી છે. પોલીસે આ મામલે તપાસ આદરી છે.