રાજ્યમાં દિવસેને દિવસે અકસ્માતોની સંખ્યામાં વધારો થઇ રહ્યો છે. બેફામ ડ્રાઈવ, ઓવર સ્પિડના લીધે આ બનાવો વધી રહ્યાં હોય તેવું વર્તમાનમાં જણાઈ રહ્યું છે. ત્યારે આજે વધુ એક અકસ્માત સાબરકાંઠામાંથી સામે આવ્યો છે. સાબરકાંઠાના ઇડર- હિંમતનગર હાઇવે પર અકસ્માત સર્જાયો હતો. આ અકસ્માતમાં પતિ-પત્નીના મોત થયા હતાં. ડ્રાઇવરે કાર પરથી કાબૂ ગુમાવતા આ ગમખ્વાર અકસ્માત સર્જાયો હતો.
મળતી વિગતો અનુસાર વડોદરાનો પરિવાર અંબાજી દર્શન કરવા જતો હતો ત્યારે આ ગોઝારો અકસ્માત સર્જાયો હતો. આ અકસ્માતમાં પતિ-પત્નીનું મોત થયું છે જ્યારે પરિવારના ચાર લોકોને ઇજા પહોંચી હતી. તો બીજી ભાવનગરમાં પણ અકસ્માતની ઘટના ઘટી છે. શેત્રુંજી નદીના નાળામાં ટ્રક ખાબક્યાની ઘટના સામે આવી છે. ચાલકે સ્ટેરિંગ પરથી કાબૂ ગુમાવતા ટ્રક નાળામાં ખાબકી હતી. જેમાં ટ્રકચાલકનું મોત નિપજ્યું હતું.