છેલ્લાં કેટલાંક દિવસથી એક વીડિયો વાયરલ થઈ રહ્યો છે, જેમાં એક વ્યક્તિ પોતાની પત્નીને ફ્લાઈઓવર પર જાહેરમાં માર મારી રહ્યો છે. આ વીડિયો તમિલનાડુની રાજધાની ચેન્નાઈનો હોવાનું જણાવવામાં આવી રહ્યું છે. પત્નીના માર મારતો વીડિયો વાયરલ થયા બાદ પોલીસે આરોપી પતિની ધરપકડ કરી છે.પત્નીની સાથે મારપીટ કરનાર પતિનું નામ રોશન છે.
સોશિયલ મીડિયા પર શેર કરવામાં આવેલા વીડિયોમાં સ્પષ્ટ જોઈ શકાય છે કે રોશન ચેન્નાઈના કોયમ્બેડુ ફ્લાઈઓવર પર પોતાની પત્નીની સાથે મારામારી કરી રહ્યો છે. આ વીડિયોને ફ્લાઈઓવર પરથી પસાર થઈ રહેલા એક રાહદારીએ શૂટ કર્યો હતો.
ગ્રેટર ચેન્નાઈ પોલીસે એક્સ પર એક ટ્વીટમાં જણાવ્યું કે આરોપી પતિ રોશન વિરુદ્ધ FIR કરીને પકડવામાં આવ્યો છે. પોલીસ વધુ તપાસ કરી રહી છે.
சென்னையில் இளம்பெண்ணை கொடூரமாக தாக்கிய இளைஞர்.
மேம்பாலத்தில் இருந்து தூக்கி வீசி கொல்ல முயற்சி . நடவடிக்கை எடுக்குமா அரசு? @satyenaiadmk @Sathish_AIADMK @AIADMKOfficial @AIADMKITWINGOFL #AIADMK #ADMK_KPM pic.twitter.com/2UHuGrPcYI
— Dr.Karthik Kuppan – Say No To Drugs & DMK (@kuppan_karthik) April 27, 2024
એક્સ યૂઝર ડૉ કાર્તિક કુપ્પને મારામારીનો વીડિયો ટ્વીટ કર્યો છે. કાર્તિક કુપ્પન એઆઈડીએમકે પાર્ટીના સભ્ય છે. પોલીસે ડૉ કાર્તિકે ટ્વીટનો જવાબ આપતા એફઆઈઆરની જાણકારી આપી છે.
વાયરલ વીડિયોમાં આરોપી પોતાની પત્નીને ખેંચતો જોવા મળે છે. પત્ની ફ્લાઈઓવરના કિનારે બેઠી હતી, પતિ મહિલાને પુલથી નીચે ફેંકવાનો પ્રયાસ કરી રહ્યો છે.