લોકસભા ચૂંટણી 2024માં શાનદાર પ્રદર્શન બાદ, મહારાષ્ટ્રના વિપક્ષી ગઠબંધન મહા વિકાસ અઘાડી (ખટઅ)ની નજર હવે વિધાનસભા ચૂંટણી પર છે. આ જ કારણ છે કે લોકસભામાં વિપક્ષના નેતા અને કોંગ્રેસના સાંસદ રાહુલ ગાંધી હવે પૂણે જઈ રહ્યા છે, જ્યાં તેઓ વાર્ષિક પંઢરપુર યાત્રામાં ભાગ લેશે. આ સમાચારથી ભાજપની ઉંઘ હરામ થઇ ગઇ છે.
વાસ્તવમાં આ વર્ષે મહારાષ્ટ્ર વિધાનસભાની ચૂંટણી યોજાવા જઈ રહી છે. તે પહેલા વિવિધ પક્ષોમાં ગતિવિધિઓ તેજ થઈ ગઈ છે. ભારતીય જનતા પાર્ટી (ઇઉંઙ)ની આગેવાની હેઠળની મહાયુતિ અને મહા વિકાસ અઘાડી (ખટઅ) બંને પોતપોતાની રીતે ચૂંટણીની તૈયારીમાં વ્યસ્ત છે. જ્યારે શાસક મહાગઠબંધનમાં ભાજપ, શિવસેના (એકનાથ શિંદે) અને ગઈઙ (અજિત પવાર)નો સમાવેશ થાય છે, ખટઅમાં શિવસેના (ઞઇઝ), ગઈઙ (શરદ પવાર જૂથ) અને કોંગ્રેસનો સમાવેશ થાય છે.
મંગળવારે ગઈઙ (જઙ) ના વડા શરદ પવાર સાથે નવા ચૂંટાયેલા ખટઅ સાંસદોનું એક પ્રતિનિધિમંડળ રાહુલ ગાંધીને મળ્યું અને તેમને વાર્ષિક તીર્થયાત્રામાં ભાગ લેવા આમંત્રણ આપ્યું. કોંગ્રેસના સાંસદ પ્રણિતી શિંદે અને ગઈઙ (જઙ)ના સાંસદ ધૈર્યશીલ મોહિતે પાટીલ પણ પ્રતિનિધિમંડળનો ભાગ હતા. કોંગ્રેસના ધારાસભ્ય સંજય જગતાપે કહ્યું, રાહુલ ગાંધી 13 અથવા 14 જુલાઈએ યાત્રામાં જોડાશે અને સંત જ્ઞાનેશ્વર મહારાજ અને સંત તુકારામ મહારાજ પાલખીના આશીર્વાદ લેશે જ્યારે તીર્થયાત્રીઓ સાથે થોડા અંતર સુધી ચાલશે.
રાહુલ ગાંધીને વાર્ષિક પંઢરપુર તીર્થયાત્રામાં સામેલ કરવાના પગલાને મહારાષ્ટ્ર વિધાનસભાની ચૂંટણી પહેલા મતદારોમાં ખટઅની પહોંચને વધુ મજબૂત કરવાના પ્રયાસ તરીકે જોવામાં આવે છે. એમવીએ લોકસભા ચૂંટણી દરમિયાન રાજ્યમાં 48 માંથી 31 બેઠકો જીતીને સારું પ્રદર્શન કર્યું હતું. કોંગ્રેસે એકલા હાથે 13 બેઠકો જીતી હતી.
મહારાષ્ટ્ર બીજેપી આધ્યાત્મિક સેલના નેતા તુષાર ભોસલેએ જણાવ્યું હતું કે એનસીપી (એસપી)ના વડા શરદ પવારને વાર્ષિક તીર્થયાત્રા માટે રાહુલ ગાંધીને આમંત્રણ આપવાનો કોઈ અધિકાર નથી. ભોસલેએ કહ્યું, હંમેશા હિંદુઓને નફરત કરનાર વ્યક્તિને તીર્થયાત્રા માટે કેવી રીતે આમંત્રિત કરી શકાય? વારી (પંઢરપુર તીર્થસ્થાન) સદીઓથી શરદ પવારના વતનમાંથી પસાર થાય છે, પરંતુ ગઈઙ (જઙ)ના નેતાએ ક્યારેય તેનું પાલન કર્યું નથી. ભોસલેએ કહ્યું કે શરદ પવાર અને રાહુલ ગાંધી આગામી મહારાષ્ટ્ર વિધાનસભા ચૂંટણીને ધ્યાનમાં રાખીને વાર્ષિક પંઢરપુર તીર્થયાત્રામાં રસ દાખવી રહ્યા છે.