વિશ્વઉમિયાધામ દ્વારા પ્રથમ રથયાત્રાનું આયોજન, વૈષ્ણવદેવી વિસ્તારમાં ભક્તો ભાવવિભોર

અમદાવાદ

વિશ્વ ઉમિયાધામ,જાસપુર, અમદાવાદ દ્વારા 7 જુલાઈ,2024 ને રવિવારે અષાઢી બીજના દિવસે સંસ્થાના પ્રણેતા અને પ્રમુખશ્રી આર. પી. પટેલના માર્ગદર્શનથી પ્રથમ વાર ભગવાન જગન્નાથજીની રથયાત્રાનું ભવ્ય આયોજન કરવામાં આવેલ. જેમાં ભગવાન બલરામજી -નંદીઘોષ, બહેન સુભદ્રાજી -દર્પદલન અને ભગવાન જગન્નાથજી-ગરુડધ્વજ રથમાં બિરાજમાન થઈને સૌ કોઈ ભક્તોને દર્શન આપવા માટે નગરયાત્રાએ નીકળેલ. આ પ્રસંગે મોટી સંખ્યામાં વિશ્વ ઉમિયાધામ પરિવાર, અદાણી પરિવાર, વૈષ્ણોદેવી વિસ્તારની તમામ સોસાયટીના પરિવાર, તેમજ કાર્યકરોનો રથયાત્રામાં અનેરો ઉત્સાહ જોવા મળેલ. આ રથયાત્રા બાદ સંસ્થાના પ્રમુખશ્રી આર.પી.પટેલે સંસ્થા વિશે સૌ કોઈને માહિતગાર કર્યા અને સર્વેનો આભાર વ્યકત્ત કરેલ, પ.પૂ કથાકારશ્રી રાજેન્દ્રપ્રસાદ શાસ્ત્રીજીએ તેમની દિવ્યવાણીથી રથયાત્રાનું મહત્વ વિશે માહિતગાર કરેલ.