અમદાવાદના બોક્સપાર્ક, ગોતા ખાતે ઇવેન્ટ આવતીકાલે સવારે 10 વાગ્યે શરૂ,સુકાની શુબમન ગિલના અગાઉ ક્યારેય ન જોયેલા આર્ટ ઇન્સ્ટોલેશનનું અનાવરણ થશે
અમદાવાદ
ગુજરાત ટાઇટન્સ તેમના 25મા જન્મદિવસની ઉજવણી માટે અમદાવાદના બોક્સપાર્ક, ગોતા ખાતે તેમના સુકાની, શુબમન ગિલના અગાઉ ક્યારેય ન જોયેલા આર્ટ ઇન્સ્ટોલેશનનું અનાવરણ કરશે. આ ઇવેન્ટ 8 સપ્ટેમ્બરના રોજ સવારે 10 વાગ્યે શરૂ થશે. ચાહકો બોક્સપાર્કની મુલાકાત લઈને અનાવરણને તેમની નજર સમક્ષ જોઈ શકે છે.
ઇવેન્ટમાં હાજરી આપનારા ચાહકોને સ્પર્ધાઓમાં ભાગ લેવાની અને GT હેમ્પર્સ જીતવાની તક પણ મળશે. આ ઉપરાંત, ચાહકો શુભમનને તેમના સંદેશા અને શુભેચ્છાઓ લખી શકે તે માટે એક સમર્પિત દિવાલ બનાવવામાં આવશે.ઇન્સ્ટોલેશન એક અઠવાડિયા માટે પ્રદર્શિત કરવામાં આવશે, જે ચાહકોને શુભમનના જન્મદિવસની ઉજવણીનો ભાગ બનવાની તક આપે છે.