અમદાવાદના નરોડામાં આર.પી. વસાણી ફાઉન્ડેશન દ્વારા સંચાલિત આર.પી. વસાણી સ્કૂલ ખાતે શિષ્યવૃત્તિ સહાય ચેક અર્પણ સમારોહ આયોજિત કરવામાં આવ્યો હતો. આ કાર્યક્રમમાં શિક્ષણ રાજ્યમંત્રી શ્રી પ્રફુલભાઈ પાનશેરીયાના હસ્તે વિદ્યાર્થીઓને શિષ્યવૃત્તિ સહાય ચેક અર્પણ કરાયા હતા.
આ કાર્યક્રમની શરૂઆત ગણેશ વંદનાથી કરવામાં આવી હતી. ત્યારબાદ વિદ્યાર્થીઓ દ્વારા દાદા દાદી વેલકમ સોંગ પ્રસ્તુત કરવામાં આવ્યું હતું. આ ઉપરાંત વિદ્યાર્થીઓ દ્વારા વિવિધ મ્યુઝિકલ પરફોર્મન્સ પણ આપવામાં આવ્યા હતા. આ કાર્યક્રમમાં આર.પી.વસાણી સ્કૂલના પ્રિન્સિપાલ શ્રી જ્યોતિ મેડમ દ્વારા આજના ગ્રાન્ડ પેરેન્ટ્સ ડેનું મહત્વ વિદ્યાર્થીઓને સમજાવવામાં આવ્યું હતું. આ પ્રસંગે પૂર્વ ધારાસભ્ય શ્રી વલ્લભભાઈ કાકડિયા, શ્રી ગોરધનભાઈ ઝડફિયા, રવજીભાઈ વસાણી, શ્રી તુષારભાઈ શુક્લા, આર.પી. વસાણી ફાઉન્ડેશનના હોદ્દેદારો, સ્કૂલના સભ્યો તેમજ મોટી સંખ્યામાં વિદ્યાર્થીઓ ઉપસ્થિત રહ્યા હતા.