સુરત
એસવીએનઆઇટીનો બર્થ ડે સેલિબ્રેશન પર વિદ્યાર્થીઓને પટ્ટા મારવાનો વધુ એક વીડિયો વાયરલ થયો છે. જેમાં સેકેન્ડ યરનો વિદ્યાર્થી બાસ્કેટ બોલના મેદાનમાં બોલ નાખવાના બાસ્કેટના થાંભલા સાથે અન્ય વિદ્યાર્થીને બાથ ભીડાવીને એક પછી એક એમ વારંવાર પટ્ટા મારી રહ્યો છે. માર ખાનાર વિદ્યાર્થી બૂમાબૂમ કરે છે. જો કે, આખી ઘટના જોયા બાદ પણ એસવીએનઆઇટીના ઉચ્ચ અધિકારીઓ તેને બર્થ ડે સેલિબ્રેશનની પ્રથા ગણાવી રહ્યા છે, જેને બંધ કરાવી હોવાનું કહે છે.
ડીન અધિકારીએ કહ્યું કે,”આ વીડિયો ગત વર્ષનો છે, માર ખાનારા વિદ્યાર્થીએ બર્થ ડે સેલિબ્રેશનની પ્રથા ગણાવી હતી. હાલમાં આ પ્રથા પર પ્રતિબંધ મૂકાવ્યો છે”. મારનારો વિદ્યાર્થીએ કહ્યું કે,”મને, કોલેજને અને મિત્રોને ટાર્ગેટ કરાઇ રહ્યા છે. હું જ નહીં કોલેજમાં અન્ય વિદ્યાર્થીઓ પણ આવું જ કરી રહ્યા છે”. માર ખાનાર વિદ્યાર્થીએ પણ કહ્યું કે,”મારનાર મારો બાળપણનો મિત્ર છે. તેઓ મને બર્થ-ડે બમ આપી રહ્યા છે. આ રેગિંગ નથી. જેમણે આ વીડિયો અપલોડ કર્યો છે તેઓ ડિલિટ કરી દે.”. એસવીએનઆઇટીના ડીનએ કહ્યું,”માર ખાનારા વિદ્યાર્થીએ બર્થ ડે સેલિબ્રેશનની પ્રથા ગણાવી હતી”.