GJ-18 ગાંધીનગર ખાતે ગાં.મનપાની ચુંટણીઓ યોજાઇ રહી છે. ત્યારે આપ પાર્ટી દ્વારા યાદી તૈયાર કરી લીધી હોવાનું સુત્રો જણાવી રહ્યા છે. ત્યારે આપ પાર્ટી દ્વારા ૧૧ પાર્ટીમાં ૪૪ ઉમેદવારોની યાદી આવતી કાલે તા.૨૭/૦૩/૨૦૨૧ ના રોજ બપોરે બહાર પાડવાની હોવાની વિગતો પ્રાપ્ત થયેલ છે.
ગાં. મનપામાં ચૂંટણીઓ યોજાઇ રહી છે, ત્યારે ત્રીપોલીયો જંગ ગાંધીનગરમાં ખેલાય તેવો અણસાર જાેવા મળી રહ્યો છે. કોંગ્રેસમાં અત્યારે નીરીક્ષકો દ્વારા ચકાસણી ઉમેદવારોની ચાલી રહી છે. અને ભાજપ દ્વારા ચકાસણી થયા બાદ પેનલોનાં નામ પ્રદેશ કક્ષાએ ગોઠવી દેવામાં આવ્યા છે. ત્યારે આપ પાર્ટી દ્વારા આવતી કાલે ઉમેદવારોની યાદી પ્રસિદ્ધ કરીને નવો ચીલો ચાતર્યો હોય તેમ ઉમેદવારોને ચુંટણી જીતવા મહેનત કરવા લાગી જાય તેવા અણસાર આપી દીધા છે. ત્યારે ભાજપ, અને કોંગ્રેસની બાજ નજર આપ ના ઉમેદવારો જાહેર થાય તેની પર રહેલી છે.