અમદાવાદ પ્લેનક્રેશ બાદ ઉભા થયેલા સવાલો
શું વિમાનને રિમોટ કંટ્રોલથી ક્રેશ કરી શકાય? કોકપિટને હેક કરવું સંભવ છે?
ટેકનિકલ રીતે પ્લેનની કોકપિટને હેક કરવી અને રિમોટલી ક્રેશ કરવાની હજુ સુધી ઘટના નથી બની: નિષ્ણાંતો
અમદાવાદ,
અમદાવાદમાં એર ઈન્ડિયાના વિમાન દુર્ઘટના બાદ બધા આઘાતમાં છે. બોઈંગનું આ પહેલું ડ્રીમલાઈનર વિમાન છે જે ક્રેશ થયું છે. બોઈંગ 737, બોઈગ 777, એરબસ A320 વગેરે જેવા આધુનિક પેસેન્જર વિમાનો એવિઓનિક્સ તરીકે ઓળખાતી અત્યાધુનિક કમ્પ્યુટર સિસ્ટમ્સ દ્વારા સંચાલિત થાય છે.
આ સિસ્ટમો ફ્લાઈટ, નેવિગેશન, એન્જિન કંટ્રોલ અને ઓટો-પાયલોટ જેવા વિમાનના કાર્યોને નિયંત્રિત કરે છે. આ એવિઓનિક્સ સિસ્ટમ્સ ડિઝાઈન કરતી વખતે સુરક્ષા અને વિશ્વસનીયતાને સર્વોચ્ચ પ્રાથમિકતા આપવામાં આવે છે. મોટાભાગની સિસ્ટમ્સ ફિઝીકલ રીતે અલગ હોય છે, એટલે કે, તે સીધા ઇન્ટરનેટ અથવા જાહેર નેટવર્ક્સ સાથે જોડાયેલા નથી.
આજની એરલાઈન્સ અને વિમાન ઉત્પાદકો તેમની સિસ્ટમ્સમાં મલ્ટી લેયર સાયબર સિક્યોરિટી ટેકનીકનો ઉપયોગ કરે છે. ડેટા અને કોમ્યુનિકેશન એન્ક્રિપ્શન સાથે સંપૂર્ણપણે સુરક્ષિત રહે છે. ફાયરવોલ્સ અને ઈન્ટ્રુશન ડિટેક્શન સિસ્ટમ્સ (ઈંઉજ) તરત જ કોઈપણ અનધિકૃત એક્સેસ શોધી કાઢે છે.
સિસ્ટમ આઇઈસોલેશન ઈનફ્લાઇટ વાઈ-ફાઈ અથવા એન્ટરટેઈનમેન્ટ સિસ્ટમને કોકપીટ કંટ્રોલ સિસ્ટમથી સંપૂર્ણપણે અલગ રાખે છે.અગાઉ સાયબર સિક્યોરિટી રિસર્ચર ક્રિસ રોબર્ટ્સે દાવો કર્યો હતો કે તેણે પ્લેનની ઈન્ફોટેનમેન્ટ સિસ્ટમ દ્વારા કોકપીટ સિસ્ટમને એક્સેસ કરવાનો પ્રયાસ કર્યો હતો.
તેણે કહ્યું કે તેણે થોડા સમય માટે ફ્લાઈટનું એન્જિન ચાલુ કરવાનો પ્રયાસ કર્યો, જોકે આ દાવાની સરકારી એજન્સીઓ દ્વારા પુષ્ટિ નહતી મળી, પરંતુ FAA અને અન્ય સુરક્ષા એજન્સીઓએ તેને ગંભીરતાથી લીધું હતું. આ ઘટના પછી, વિમાનની સાયબર સિક્યોરિટી વધુ મજબૂત બનાવવામાં આવી હતી.
ટેકનિકલ રીતે, પેસેન્જર પ્લેનની કોકપીટ સિસ્ટમને રિમોટલી હેક કરવી અત્યંત મુશ્કેલ અને લગભગ અશક્ય છે. અત્યાર સુધી, હેકર દ્વારા પ્લેનને રિમોટલી નિયંત્રિત કરીને તેને ક્રેશ કરવામાં આવ્યું હોય તેવું કોઈ સાબિત ઉદાહરણ મળ્યું નથી.
સિક્યોરિટી એજન્સીઓ આ શક્યતાને નકારી નથી અને સતત દેખરેખ અને સુધારો કરી રહી છે. સૌથી મોટો ખતરો ઈનસાઈડર એક્સેસ છે, જેની સાથે વ્યવહાર કરવા માટે કડક પ્રક્રિયાઓ અપનાવવામાં આવે છે.