બુધવારે પીએમ નરેન્દ્ર મોદી આફ્રિકન દેશ ઘાના પહોંચ્યા. ઘાનાના રાષ્ટ્રપતિ જોન મહામાએ રાજધાની એક્રોના એરપોર્ટ પર તેમનું સ્વાગત કર્યું. વડાપ્રધાન મોદીને 21 તોપોની સલામી સાથે ગાર્ડ ઓફ ઓનર આપવામાં આવ્યું. વડાપ્રધાન મોદીનું સ્વાગત કરવા માટે બાળકો એક્રોની એક હોટલની બહાર ભારતીય પોશાક પહેરીને પહોંચ્યા છે. તેમણે પીએમ મોદી માટે સંસ્કૃતમાં શ્લોક કંઠસ્થ કર્યા છે. પીએમ નરેન્દ્ર મોદી 2 જુલાઈથી 8 દિવસ માટે 5 દેશોની મુલાકાતે છે. તેઓ પહેલી વાર ઘાનાની મુલાકાતે આવ્યા છે. 30 વર્ષમાં કોઈપણ ભારતીય પ્રધાનમંત્રીની આ પહેલી ઘાના મુલાકાત છે. અગાઉ, 1957માં પંડિત જવાહરલાલ નહેરુ અને 1995માં નરસિંહ રાવે પીએમ તરીકે ઘાનાની મુલાકાત લીધી હતી.