જામનગર જિલ્લા કલેકટર કચેરીના સભાખંડમાં એક મહત્વપૂર્ણ બેઠક યોજાઈ હતી. સાંસદ પુનમબેન માડમે નેશનલ હાઈવે ઓથોરિટી ઓફ ઈન્ડિયા (NHAI)ના અધિકારીઓ સાથે રોડ-રસ્તાની સ્થિતિની સમીક્ષા કરી હતી. કલેકટર કેતન ઠક્કરની હાજરીમાં, ધ્રોલ-ભાદ્રાપાટીયા-આમરણ-પીપળીયા નેશનલ હાઇવે 151 A અંગે વિસ્તૃત ચર્ચા થઈ હતી. સાંસદે રોડ-રસ્તાઓ અને ખેડૂતોની રજૂઆતો સાંભળી હતી. તેમણે અધિકારીઓને સકારાત્મક દિશામાં કાર્યવાહી કરવા સૂચન કર્યા હતા. બેઠકમાં અધિક નિવાસી કલેકટર બી.એન.ખેર, પ્રાંત અધિકારીઓ, NHAIના અધિકારીઓ, અગ્રણીઓ અને ખેડૂતો હાજર રહ્યા હતા. આ જિલ્લા સ્તરીય ખાસ પરામર્શ બેઠકમાં રોડ-રસ્તાને લગતા પ્રશ્નોના ઉકેલ માટે ચર્ચા કરવામાં આવી હતી.