અમદાવાદ
આજે કેન્દ્રીય નાણાં મંત્રી નિર્મલા સીતારમણે બજેટ રજૂ કર્યું હતું. મોદી સરકારનું આ ૧૨ મી બજેટ છે .કેન્દ્રીય બજેટ 2026-27માં નાણામંત્રીએ આવકવેરા સ્લેબમાં કોઈ ફેરફાર કર્યા નથી, એટલે કે જૂના અને નવા કરવેરા શાસનના સ્લેબ અને દર સમાન રહેશે. જોકે, સરકારે પગારદાર વ્યક્તિઓ, સામાન્ય માણસ અને કરદાતાઓની સુવિધાને પ્રાથમિકતા આપતા આવકવેરા સંબંધિત ઘણા મહત્વપૂર્ણ ફેરફારોની જાહેરાત કરી છે. આનો મુખ્ય હેતુ કર પ્રણાલીને સરળ બનાવવા, પાલન સરળ બનાવવા અને બિનજરૂરી મુશ્કેલીઓ ઘટાડવાનો છે.
ચાટર્ડ એકાઉન્ટન્ટ વારીસ ઈશાનીએ બજેટ વિશે માહિતી આપતા જણાવ્યું હતું કે પગાર, બીજા પરિબળો થી થતી આવક અથવા કેપિટલ ગેઇન છે લોકો માટે આઈટીઆર ૧ અને 2 છે એ લોકો માટે આવકવેરા રિટર્ન ભરવાની છેલ્લી તારીખ 31 જુલાઈ કરી છે. એ સિવાય જે લોકો બિઝનેસ કરે છે અને જેમના એકાઉન્ટ આવકવેરા સેક્શન 44 એ અને બી પ્રમાણે ઓડિટ થતા નથી અથવા તો જે લોકો પાસે ટ્રસ્ટ છે આ લોકો માટે રિટર્ન ભરવાની છેલ્લી તારીખ 31 ઓગસ્ટ કરી છે એટલે કે બે વિભાગ કરી દીધા છે. કરદાતાઓ રીવાઈઝ આવકવેરા રિટર્ન 31મી ડિસેમ્બર સુધી ભરી શકતા હતા તેમાં હવે 31 માર્ચ સુધીનો વધારો કર્યો છે માટે પેનલ્ટી એટલે કે લેટ ફી તો કરદાતાઓને ચૂકવવી જ પડશે.
આવકવેરા રિટર્નમાં વિદેશની મિલકત ખરીદી બતાવો તો ૪૦% ફાયદો
વારીસ ઈશાનીએ વધુમાં જણાવ્યું હતું કે ઇન્કમટેક્સના રિટર્ન માં વિદેશની આવક અથવા મિલકતો દર્શાવી નથી એટલે કે એડિશનલ આવક બતાવી નથી અથવા તો એસેટ્સ નવી ખરીદી કરી છે તે નથી બતાવી તો એના માટે એક પ્રોવિઝનલ લાવ્યા છે જેમાં ઓરીજનલ 30% ટેક્સ તો ભરવાનો જ પરંતુ અલગથી એડિશનલ 30 ટકા ટેક્સ ભરવાનું એટલે કે કુલ 60 ટકા ટેક્સ ભરી આવકવેરા રિટર્ન માં વિદેશની ખરીદી કે એસેટ્સ બતાવી શકે છે. એટલે 40% ફાયદો મળે અને પ્રોસીકયુશનમાંથી બચી શકાય છે. વિદેશમાં જે ગલ્ફમાં જે લોકોએ રોકડથી રોકાણ કર્યું છે તેવા લોકોના ડેટા સરકારે મંગાવ્યા હતા અને ત્યારબાદ તેવા લોકોને છેલ્લા એક દોઢ વર્ષમાં જેણે વિદેશમાં રોકાણ કર્યા હતા તેઓને ઇન્કમટેક્સ વિભાગે નોટિસ પણ આપી છે. વિદેશમાં કે ગલ્ફ જેમ કે યુએઈમાં બેંકોમાં રોકડ રકમ બેંકોમાં ભરો તો ફક્ત તમારો પાસપોર્ટ જ સ્વાઇપ થાય છે તેઓ રોકડ ક્યાંથી આવી એ કોઈ પૂછતું નથી. એટલે સરકારે વિદેશમાં રોકાણ કર્યું હોય તેવા લોકોની પૂછપરછ કરે છે અને આટલી રોકડ રકમ તમે ક્યાંથી લાવ્યા અને કેવી રીતે કમાયા ? અને વિદેશમાં કેવી રીતે મોકલ્યા એવી સરકાર પૂછપરછ કરી શકે છે .
રિટર્ન રિવિઝન અને ફાઇલિંગ ડેડલાઇનમાં ફેરફાર
સરકારે આવકવેરા રિટર્ન સુધારવાની અંતિમ તારીખ 31 ડિસેમ્બરથી 31 માર્ચ સુધી લંબાવવાનો પ્રસ્તાવ મૂક્યો છે, જે નજીવી ફીને આધીન છે. વધુમાં રિટર્ન ફાઇલ કરવાની સમયમર્યાદા તબક્કાવાર કરવામાં આવશે. ITR-1 અને ITR-2 ફાઇલ કરનારા વ્યક્તિઓ 31 જુલાઈ સુધીમાં તેમના રિટર્ન ફાઇલ કરશે. નોન-ઓડિટ બિઝનેસ કેસ અને ટ્રસ્ટ પાસે 31 ઓગસ્ટ સુધીનો સમય રહેશે.
NRIs પાસેથી મિલકત ખરીદી પર સરળ TDS પ્રક્રિયા
NRIs પાસેથી સ્થાવર મિલકત ખરીદનારા ખરીદદારોને હવે TDS જમા કરવા માટે TAN મેળવવાની જરૂર રહેશે નહીં. આ પ્રક્રિયા હવે PAN- આધારિત ઇન્વોઇસ દ્વારા પૂર્ણ કરી શકાય છે.
વિદેશી સંપત્તિ જાહેરાત માટે ખાસ યોજના
વિદ્યાર્થીઓ, યુવા વ્યાવસાયિકો, ટેક વર્કર્સ અને સ્થાનાંતરિત NRIs જેવા નાના કરદાતાઓ દ્વારા સામનો કરવામાં આવતી વ્યવહારિક મુશ્કેલીઓને ઓળખીને સરકારે એક વખતની, છ મહિનાની વિદેશી સંપત્તિ જાહેરાત યોજનાનો પ્રસ્તાવ મૂક્યો છે. આ યોજના નિર્ધારિત મર્યાદાથી ઓછી આવક અથવા સંપત્તિ જાહેર કરવાની મંજૂરી આપશે.
કેન્દ્રીય નાણાં પ્રધાન નિર્મલા સીતારમણે બજેટમાં એક મોટી જાહેરાત કરી હતી, જેમાં જણાવ્યું હતું કે વિદેશી મુસાફરી કાર્યક્રમ પેકેજોના વેચાણ પર TCS દર હવે 2% રહેશે, જે પહેલા 5% અને 20% હતો. આ માટે કોઈ નાણાકીય જરૂરિયાત રહેશે નહીં. તેમણે એમ પણ જણાવ્યું હતું કે મોટર અકસ્માત દાવા ટ્રિબ્યુનલ્સમાંથી વ્યક્તિઓને મળતું વ્યાજ હવે આવકવેરાને આધીન રહેશે નહીં, અને TDS પણ કાપવામાં આવશે નહીં.
ઇન્કમટેક્સને લઇને મહત્વની જાહેરાત શું કરવામાં આવી ?
નોમિનલ ફીની સાથે રિટર્ન રિવાઇસ કરી શકાશે
આઇટીઆર 1-2માં 31 જુલાઇ સુધી રિટર્ન ભરી શકાશે
નાના કરદાતાઓ માટે વન ટાઇમ ફોરેન એસેટ ડિસ્ક્લોઝર
નાના કરદાતાઓ માટેની સમસ્યાઓ દૂર થશે
31 જુલાઇ સુધી ભરી શકાશે રિટર્ન
ઈનકમ ટેક્સ ભરવું હવે વધુ સરળ
વિદેશ પ્રવાસ કરવો હવે સસ્તો
વિદેશ પ્રવાસ પર TCSથી 5 ટકાથી ઘટાડી 2 ટકા કર્યો
6 મહિનાની ફોરેન એસેટ ડિસ્કોલઝર સ્કીમની જાહેરાત
વિદેશી સંપત્તિની જાહેરાત ના કરી હોય તેવા લોકો માટે સ્કીમ
નોમિનલ ફિ સાથે રિટર્ન રિવાઈઝ
ITR-1-2માં 31 જુલાઈ સુધી રિટર્ન શક્ય
સામાન્ય દંડ સાથે રિટર્ન રિવાઈઝ ભરી શકાશે
મોટર એક્સિડન્ટ ક્લેઈમમાં કોઈ વ્યાજ નહીં
નાના કરદાતાઓને મળશે મોટી રાહત
ટેક્સમાં ગડબડ પર સજા નહીં હવે થશે દંડ
નાના ટેક્સ ગુનાઓ માટે હવે માત્ર દંડની જોગવાઈ
1 ઓક્ટેબર 2026થી દંડ મુક્તિ જોગવાઈ લાગુ
હવે PAN દ્વારા સંપત્તિ વેચી શકશે NRI
સ્ટાન્ડર્ડ ડિડક્શનની મર્યાદામાં પણ કોઈ વધારો નહીં
મોટર અકસ્માત વળતર પર રાહત
મોટર અકસ્માત દાવા ટ્રિબ્યુનલ દ્વારા વ્યક્તિને આપવામાં આવતા વ્યાજને હવે આવકવેરામાંથી સંપૂર્ણપણે મુક્તિ આપવામાં આવશે.વધુમાં, આ રકમ પર TDS કાપવામાં આવશે નહીં.
વિદેશી પ્રવાસો અને LRS પર TCS માં ઘટાડો
સરકારે કોઈપણ લઘુત્તમ રકમની જરૂરિયાત વિના, વિદેશી પ્રવાસ પેકેજો પર TCS વર્તમાન 5 અને 20 ટકાથી થી ઘટાડીને 2% કરવાનો પ્રસ્તાવ મૂક્યો છે. વધુમાં, શિક્ષણ અને તબીબી ખર્ચ માટે ઉદારકૃત રેમિટન્સ યોજના (LRS) હેઠળ TCS પણ 5 ટકાથી ઘટાડીને 2 ટકા કરવામાં આવશે.
મેનપાવર સર્વિસિસ પર TDS ની સ્પષ્ટતા
મેનપાવર સપ્લાય સેવાઓ પર હવે સ્પષ્ટ રીતે કોન્ટ્રાક્ટરોને ચૂકવવામાં આવતી ચૂકવણીમાં સામેલ કરાશે. આ સેવાઓ પર TDS દર 1% અથવા 2% રહેશે, જે મૂંઝવણ દૂર કરશે.
નાના કરદાતાઓ માટે ઓટોમેટિક સિસ્ટમ
નાના કરદાતાઓ માટે એક નવી યોજના પ્રસ્તાવિત કરવામાં આવી છે, જે તેમને નિયમો-આધારિત સ્વચાલિત પ્રક્રિયા દ્વારા ઘટાડેલા અથવા શૂન્ય TDS કપાતનું પ્રમાણપત્ર મેળવવાની મંજૂરી આપે છે. આનાથી આકારણી અધિકારીને અરજી કરવાની જરૂરિયાત દૂર થશે.
ફોર્મ 15G/15H પ્રક્રિયાને સરળ બનાવવામાં આવશે
બહુવિધ કંપનીઓમાં રોકાણ કરતા કરદાતાઓની સુવિધા માટે ડિપોઝિટરીઝને રોકાણકારો પાસેથી ફોર્મ 15G અથવા ફોર્મ 15H સ્વીકારવા અને તેને સીધા સંબંધિત કંપનીઓને મોકલવા માટે અધિકૃત કરવામાં આવશે.