એજન્સી અનુસાર, નેપાળના સરકારી અધિકારીઓએ પુષ્ટિ કરી છે કે બેલેન સરકારે 17 એપ્રિલે આ નિર્ણયને મંજૂરી આપી દીધી છે. હવેથી નેપાળના સરકારી કર્મચારીઓ, પોલીસકર્મીઓ અને અન્ય કર્મચારીઓને દર 15 દિવસે પગાર મળશે.
નેપાળના અધિકારીઓના જણાવ્યા અનુસાર સરકારનો આ નિર્ણય અર્થવ્યવસ્થાને પાટા પર લાવવાના પ્રયાસોના પરિણામે લેવામાં આવ્યો છે. કારણ કે સરકારનું માનવું છે કે મહિનામાં બે વખત પગાર મળવાથી કર્મચારીઓના ખર્ચમાં વધારો થઈ શકે છે, જેનાથી બજારમાં વધુ પૈસા આવશે અને રોકડમાં સુધારો શક્ય બનશે.
બલેન સરકારના આ નિર્ણય પર નેપાળી કર્મચારીઓના પગારને નિયંત્રિત કરતી સંસ્થાનું નિવેદન પણ સામે આવ્યું છે. FCGOના પ્રવક્તા દીપક લામિછાણેએ જણાવ્યું હતું કે, “ટેક્નિકલ રીતે, અમને આ સિસ્ટમ લાગુ કરવામાં કોઈ સમસ્યા નથી. અમે કોઈપણ સમયે સિવિલ સેવકો, નેપાળ આર્મી, પોલીસ, સશસ્ત્ર પોલીસ દળો અને અન્ય સરકારી કર્મચારીઓનો પગાર છૂટી કરી શકીએ છીએ.” જો કે, તેમણે એ વાત પર પણ ભાર મૂક્યો હતો કે નવા નિર્ણયના અમલ માટે કાયદાકીય સુધારાની જરૂર પડશે.
તમને જણાવી દઈએ કે, નેપાળના બંધારણ મુજબ દરેક સરકારી કર્મચારીને મહિનાના અંતમાં પગાર આપવાની જોગવાઈ છે. લામિછાણેએ કહ્યું કે સરકાર આ નિર્ણય માટે પ્રતિબદ્ધ છે. તે ટૂંક સમયમાં આ નિર્ણયને અમલમાં મૂકવાનો માર્ગ શોધી લેશે.