ટક્કર બાદ કાર રોડ પર પલટી મારી ગઈ
અકસ્માતની તીવ્રતા એટલી વધારે હતી કે બાઈકને અડફેટે લીધા બાદ કાર ચાલકે સ્ટીયરિંગ પરથી કાબૂ ગુમાવી દીધો હતો. પરિણામે, કાર હાઈવેની વચ્ચે જ પલટી મારી ગઈ હતી. અકસ્માતને પગલે હાઈવે પર લોકોના ટોળા ઉમટી પડ્યા હતા અને થોડા સમય માટે ટ્રાફિક જામની સ્થિતિ સર્જાઈ હતી. સ્થાનિક લોકોએ તાત્કાલિક બચાવ કામગીરી માટે દોડી આવી પોલીસને જાણ કરી હતી.
પોલીસની કાર્યવાહી અને તપાસ
ઘટનાની જાણ થતાં જ પ્રાંતિજ પોલીસનો કાફલો ઘટનાસ્થળે પહોંચી ગયો હતો અને ટ્રાફિક હળવો કરાવ્યો હતો. પોલીસે બંને મૃતકોના શબને કબજે કરી પોસ્ટમોર્ટમ માટે હિંમતનગર સિવિલ હોસ્પિટલ ખસેડ્યા છે. હાલમાં પ્રાંતિજ પોલીસે અકસ્માતનો ગુનો નોંધીને ફરાર થઈ ગયેલા કાર ચાલકની શોધખોળ હાથ ધરી છે અને કાયદેસરની કાર્યવાહી શરૂ કરી છે.