તોફાની પવન ફૂંકાશે અને નક્ષત્ર બદલાતા જ આભ ફાટશેઆગાહી મુજબ, આગામી 12 થી 14 જૂન દરમિયાન ગુજરાતના વિવિધ ભાગોમાં ભારે વરસાદ પડી શકે છે, જ્યારે 15 થી 16 જૂન સુધીમાં મૃગશીર્ષ નક્ષત્ર બેસતા જ વરસાદની ગતિ વધશે. તારીખ 18 જૂને વાતાવરણમાં વધુ એક મોટો પલટો આવશે અને 20 જૂન સુધીમાં અનેક વિસ્તારો જળબંબાકાર થઈ જશે. આ દરમિયાન સૌરાષ્ટ્ર અને દક્ષિણ ગુજરાતમાં સારો વરસાદ નોંધાશે, જ્યારે ઉત્તર ગુજરાતના ભાગોમાં 35 કિલોમીટર પ્રતિ કલાક અને અન્ય વિસ્તારોમાં 60 થી 70 કિલોમીટર પ્રતિ કલાકની ભયજનક ઝડપે પવન ફૂંકાઈ શકે છે. આ તેજ પવનના કારણે વીજળીના થાંભલા અને ઝાડ પડી જવાની પણ પૂરેપૂરી શક્યતાઓ છે.
દક્ષિણ ગુજરાતમાં ભારે એલર્ટ અને જુલાઈમાં પૂરનું સંકટદક્ષિણ ગુજરાતના ભાગોમાં મેઘરાજા ભારે આક્રમક મૂડમાં જોવા મળશે, જેમાં આહવા-ડાંગ અને નવસારીના વિસ્તારોમાં અત્યંત ભારે વરસાદ પડવાની સંભાવના છે. આ ઉપરાંત, મધ્ય પ્રદેશના કેટલાક ભાગોમાં થનારા ભારે વરસાદની અસર પણ જોવા મળશે. ત્યારબાદ 23 જૂન થી 28 જૂન વચ્ચે ફરી એકવાર વરસાદનો જોરદાર રાઉન્ડ આવશે. આ વાવાઝોડા અને ચોમાસાની તીવ્રતા એટલી વધારે રહેવાની ધારણા છે કે, જૂનના અંતથી એટલે કે 30 જૂન થી જુલાઈ માસની શરૂઆતમાં રાજ્યના કેટલાક ભાગોમાં પૂર આવવાની પણ ગંભીર આશંકા વ્યક્ત કરવામાં આવી છે.