8th pay commission latest news: 8મા પગાર પંચની રચના અંગે હાલમાં ચેન્નાઈ ખાતે મહત્વની બેઠકો ચાલી રહી છે, જેમાં કર્મચારીઓ પોતાના પગારમાં ત્રણ ગણા વધારાની માંગ કરી રહ્યા છે. જો સરકાર 7મા પગાર પંચના મોડલ મુજબ 2.57 ફિટમેન્ટ ફેક્ટરનો સ્વીકાર કરે, તો વિવિધ કક્ષાના કર્મચારીઓના મૂળ પગારમાં નીચે મુજબનો જંગી વધારો જોવા મળશે:
કર્મચારી વર્ગ (પે મેટ્રિક્સ લેવલ) હાલનો લઘુત્તમ મૂળ પગાર 8મા પગાર પંચ પછીનો અંદાજિત પગાર
પટાવાળા – ગ્રુપ D (લેવલ 1) ₹ 18,000 ₹ 46,260
શિક્ષકો – TGT (લેવલ 6/7) ₹ 35,400 ₹ 90,978 (લગભગ ₹ 91,000)
વર્ગ 1 ના અધિકારીઓ (લેવલ 10) ₹ 56,100 ₹ 1,44,177
નિવૃત્ત કર્મચારીઓ (લઘુત્તમ પેન્શન) ₹ 9,000 ₹ 23,130ગ્રુપ D કર્મચારીઓ: કેન્દ્ર સરકારના લેવલ 1 હેઠળ આવતા પટાવાળા અને અન્ય સહાયક કર્મચારીઓનો લઘુત્તમ બેઝિક પગાર હાલમાં ₹ 18,000 છે. 2.57 ના ફિટમેન્ટ ફેક્ટરના આધારે આ રકમ સીધી ₹ 46,260 થઈ જશે. આ મૂળ પગાર પર જ્યારે મોંઘવારી ભથ્થું (DA) અને મકાન ભાડા ભથ્થું (HRA) ઉમેરવામાં આવશે, ત્યારે તેમના હાથમાં આવતો કુલ પગાર ઘણો મોટો હશે.
શિક્ષક વર્ગ: શિક્ષણ ક્ષેત્રે ફરજ બજાવતા લેવલ 6 અને લેવલ 7 ના કર્મચારીઓ (જેમ કે પ્રાથમિક અથવા TGT શિક્ષકો) હાલમાં ₹ 35,400 નો બેઝિક પગાર મેળવે છે. નવા પંચના અમલ બાદ આ રકમ વધીને અંદાજિત ₹ 91,000 સુધી પહોંચી જવાની શક્યતા છે.
ઉચ્ચ અધિકારીઓ: લેવલ 10 માં આવતા ક્લાસ 1 અધિકારીઓ હાલમાં બેઝિક પગાર તરીકે ₹ 56,100 મેળવે છે. આ નવા ગાણિતિક સૂત્ર મુજબ તેમની આવકમાં તોતિંગ વધારો નોંધાશે અને તેમનો નવો બેઝિક પગાર ₹ 1,44,177 થઈ જશે.
પેન્શનધારકો: માત્ર નોકરી કરતા કર્મચારીઓ જ નહીં, પરંતુ નિવૃત્ત થઈ ચૂકેલા લાખો પેન્શનધારકોને પણ આનો સીધો લાભ મળશે. જેમને હાલમાં લઘુત્તમ ₹ 9,000 પેન્શન મળે છે, તેમનું પેન્શન 2.57 ગણું વધીને ₹ 23,130 થઈ જશે.
અમલીકરણની પ્રક્રિયા અને ભવિષ્યની સ્થિતિ
8મું પગાર પંચ હાલમાં સંપૂર્ણપણે એક્શન મોડમાં છે. કર્મચારી યુનિયનો પગાર વધારા માટે સતત દબાણ કરી રહ્યા છે. જોકે, કમિશન દ્વારા હજુ સુધી સરકારને પોતાનો અંતિમ રિપોર્ટ સુપરત કરવામાં આવ્યો નથી.
એકવાર આ રિપોર્ટ તૈયાર થઈ જાય, ત્યારબાદ તેને કેન્દ્ર સરકારની મંજૂરી માટે મોકલવામાં આવશે. કેબિનેટની અંતિમ મંજૂરી મળ્યા બાદ જ સરકાર દ્વારા સત્તાવાર જાહેરાત કરવામાં આવશે. આ નવો પગાર વધારો અમલમાં આવવાથી દેશના લાખો કેન્દ્રીય કર્મચારીઓ અને પેન્શનધારકોના જીવનધોરણમાં મોટો સકારાત્મક સુધારો જોવા મળશે અને વર્તમાન મોંઘવારી સામે લડવા માટે એક મોટી આર્થિક રાહત પૂરી પાડશે.