વેક્સ સ્વરૂપમાં 24-કેરેટ વિદેશી મૂળના સોનાના રજકણો ધરાવતા 23 કેપ્સ્યુલ, જેનું ગ્રોસ વજન 8.564 કિલો છે અને આશરે રૂ. 12.64 કરોડનું મૂલ્ય ધરાવે છે, તે પુનઃપ્રાપ્ત કરીને જપ્ત કરવામાં આવ્યા હતા. આ ઉપરાંત, 1,168.97 કેરેટ હીરા, જેમાં 132.17 કેરેટ કુદરતી હીરા અને 1,036.80 કેરેટ લેબ-ગ્રોન હીરા શામેલ
મુંબઈ
ડિરેક્ટોરેટ ઓફ રેવન્યુ ઈન્ટેલિજન્સએ છત્રપતિ શિવાજી મહારાજ ઈન્ટરનેશનલ એરપોર્ટ, મુંબઈ દ્વારા ટુ-વે સ્મગલિંગ સિન્ડિકેટનો પર્દાફાશ કર્યો છે, જેના પરિણામે આશરે રૂપિયા 12.64 કરોડની કિંમતનું 8.564 કિલો જપ્ત 24-કેરેટ વિદેશી મૂળનું સોનું અને આશરે રૂ. 1.09 કરોડની કિંમતના 1,168.97 કેરેટ હીરા જપ્ત કરવામાં આવ્યા છે. એક એરપોર્ટ સ્ટાફ મેમ્બર, છ ટ્રાન્ઝિટ મુસાફરો અને એક ભારતીય આઉટબાઉન્ડ મુસાફર સહિત આઠ લોકોની ધરપકડ કરવામાં આવી છે.
30.09.26 ના રોજ ચોક્કસ બાતમી પર કાર્યવાહી કરીને, ડીઆરઆઈના અધિકારીઓએ ડિપાર્ચર એરિયામાં એક એરપોર્ટ સ્ટાફ મેમ્બરને આંતરી લીધો હતો, જ્યારે તે ભારતમાંથી તેમની ગેરકાયદેસર નિકાસ માટે દુબઈ જઈ રહેલા એક ભારતીય મુસાફરને હીરા સોંપી રહ્યો હતો. તેની અંગત તલાશી દરમિયાન, એરપોર્ટ સ્ટાફ પાસે વેક્સ (મીણ) સ્વરૂપમાં વિદેશી મૂળના સોનાના રજકણો ધરાવતા ત્રણ કેપ્સ્યુલ પણ મળી આવ્યા હતા, જે તેને એક ટ્રાન્ઝિટ મુસાફરે સોંપ્યા હતા.વધુ પૂછપરછ દરમિયાન, એરપોર્ટ સ્ટાફે તે ટ્રાન્ઝિટ મુસાફરની ઓળખ જાહેર કરી હતી જેણે તેને સોનું સોંપ્યું હતું. ત્યારબાદ તે મુસાફરને આંતરી લેવામાં આવ્યો હતો. એરપોર્ટ સ્ટાફે વધુમાં ખુલાસો કર્યો હતો કે દુબઈ, દોહા, જેદ્દાહ અને ફુજૈરાહથી અલગ-અલગ ફ્લાઈટ્સમાં આવી રહેલા અન્ય પાંચ ટ્રાન્ઝિટ મુસાફરો પણ તેને સ્મગલિંગનું સોનું પહોંચાડવાના હતા.ડીઆરઆઈ અધિકારીઓએ ગુપ્ત નજર રાખી તમામ પાંચ મુસાફરોને ટ્રાન્ઝિટ એરિયામાં એરપોર્ટ સ્ટાફને સોનાના કેપ્સ્યુલ સોંપી રહ્યા હતા. સ્મગલિંગનું સોનું પહોંચાડ્યા પછી મુસાફરો સિંગાપોર અને ઢાકા તરફ આગળ મુસાફરી કરી રહ્યા હતા. કસ્ટમ્સ એક્ટ, 1962ની સંબંધિત જોગવાઈઓ હેઠળ તમામ આઠ લોકોની ધરપકડ કરવામાં આવી છે.
વેક્સ સ્વરૂપમાં 24-કેરેટ વિદેશી મૂળના સોનાના રજકણો ધરાવતા 23 કેપ્સ્યુલ, જેનું ગ્રોસ વજન 8.564 કિલો છે અને આશરે રૂ. 12.64 કરોડનું મૂલ્ય ધરાવે છે, તે પુનઃપ્રાપ્ત કરીને જપ્ત કરવામાં આવ્યા હતા. આ ઉપરાંત, 1,168.97 કેરેટ હીરા, જેમાં 132.17 કેરેટ કુદરતી હીરા અને 1,036.80 કેરેટ લેબ-ગ્રોન હીરા શામેલ છે, જેનું કુલ મૂલ્ય આશરે રૂ. 1.09 કરોડ થાય છે, તે પુનઃપ્રાપ્ત કરીને જપ્ત કરવામાં આવ્યા હતા. આ કામગીરીએ ફરી એકવાર એરપોર્ટ દ્વારા સોનાની સ્મગલિંગને સરળ બનાવવામાં સંડોવાયેલા એરપોર્ટ સ્ટાફના અંદરના જોખમને ઉજાગર કર્યું છે.