બૌદ્ધિક વિકલાંગ વ્યકિતઓને સંભાળ અને સહાય પૂરી પાડવા માટે ટ્રસ્ટના પ્રયાસોને સમર્થન આપવા માટે રૂ. 1.90 લાખનું દાન એકત્ર કરીને આ ઇવેન્ટ ખૂબ જ સફળ રહી
અમદાવાદ
ગુજરાત ચેમ્બર ઓફ કોમર્સ એન્ડ ઈન્ડસ્ટ્રી (GCCI) ની યુથ વિંગ અને Abucus-The Academy એ આસ્થા ચેરીટેબલ ટ્રસ્ટ દ્વારા સંચાલિત આનંદધામ માટે ભંડોળ એકત્ર કરવા માટે 23મી એપ્રિલ, 2023, રવિવારના રોજ ચેરિટી ઓક્શનનું આયોજન કર્યું હતું, બૌદ્ધિક વિકલાંગ વ્યકિતઓને સંભાળ અને સહાય પૂરી પાડવા માટે ટ્રસ્ટના પ્રયાસોને સમર્થન આપવા માટે રૂ. 1.90 લાખનું દાન એકત્ર કરીને આ ઇવેન્ટ ખૂબ જ સફળ રહી. ઓક્શનમાં યંગ મેનેજર્સ પ્રોગ્રામ(વાયએમપી)ના 11 – 14 વર્ષની વય જૂથના વિદ્યાર્થીઓ દ્વારા બનાવવામાં આવેલી હસ્તકલા દર્શાવવામાં આવી હતી. વિદ્યાર્થીઓએ આ હસ્તકલા માટે ખૂબ જ પ્રયત્નો કર્યા હતા. આ હરાજીમાં અનેક અગ્રણી લોકોએ હાજરી આપી હતી, જેમણે આ હેતુસર ઓક્શનમાં ફાળો આપવા માસ્ટરપીસ પર ઉદારતાથી બોલી લગાવી હતી.
GCC ના પ્રમુખ પથિક પટવારીએ જણાવ્યું હતું કે, અમારી યુથ વિંગ અને Abacus.The Academy દ્વારા આયોજિત ચેરિટી ઓક્શનને મળેલા પ્રતિસાદથી અમે ખુબજ આનંદ અનુભવીએ છીએ. યુવા વિદ્યાર્થીઓ તેમની પ્રતિભા અને સર્જનાત્મકતાનું પ્રદર્શન કરીને સમાજને યોગદાન આપતા જોવાનું હ્રદયસ્પર્શી છે. અમે ઉદારતાપૂર્વક દાન આપનાર તમામ બિડરોના આભારી છીએ, અને અમે આશા રાખીએ છીએ કે, આ ઓક્શન અન્ય લોકોને આવા ઉમદા હેતુને સહાય આપવા માટે પ્રેરણા આપે છે.વિકલાંગ વ્યક્તિઓ માટે સલામત વાતાવરણ પૂરું પાડવાના તેમના મિશનને સમર્થન આપવા માટે આસ્થા ચેરિટેબલ ટ્રસ્ટ દ્વારા સંચાલિત આનંદ ધામને દાન કરાયેલી હરાજીમાંથી મળેલી રકમ, ટ્રસ્ટ તેની દેખરેખ હેઠળની વ્યક્તિઓને ગૌરવ અને સ્વતંત્ર જીવન જીવવા માટે જરૂરી સમર્થન, સંભાળ અને માર્ગદર્શન મળે તેની ખાતરી કરવા માટે પ્રતિબદ્ધ છે.ચેરિટી ઓક્શન એક મોટી સફળતા હતી અને એક સારા હેતુ માટે એકસાથે આવવા માટે સમુદાયની શક્તિનું પ્રદર્શન કર્યું.
GCCI માનદ મંત્રી અપૂર્વ શાહ એ તેમની ઈચ્છા વ્યક્ત કરતા જણાવ્યું કે, Abacus-The Academy દર વર્ષે GCCI સાથે આ કાર્યક્રમનું આયોજન કરે અને વધુમાં તેમણે જણાવ્યું કે, GCC આવી પહેલોને સમર્થન આપવા અને સમાજ પર સકારાત્મક અસર કરવા માટે પ્રતિબદ્ધ છે.